KL राहुलनं साधला मोठा डाव! किंग कोहलीला मागे टाकत एबी डिव्हिलियर्सच्या विक्रमाशी बरोबरी

स्टायलिश बॅटर लोकेश राहुलचा मोठा पराक्रम, एबीपेक्षा जलदगतीने साधला हा डाव

भारताचा स्टायलिश बॅटर लोकेश राहुल याने दिल्ली कॅपिटल्सच्या संघाकडून खेळताना राजस्थान रॉयल्सविरुद्ध अर्धशतकी खेळीसह खास विक्रमाला गवसणी घातली.

इंडियन प्रीमियर लीगच्या १९व्या हंगामात लोकेश राहुल कमालीच्या फॉर्ममध्ये दिसत आहे. राजस्थानने सेट केलेल्या विक्रमी २२६ धावांचा यशस्वी पाठलाग करताना त्याने ७५ धावांची मॅच विनिंग खेळी केली.

या खेळीसह त्याने यंदाच्या हंगामता सर्वाधिक धावा करत ऑरेंज कॅपवरही कब्जा केला.

लोकेश राहुलनं ११व्या षटकात आपले अर्धशतक पूर्ण केले. IPL मध्ये राजस्थान विरुद्ध त्याने आठव्यांदा ५० किंवा त्यापेक्षा अधिक धावा करण्याचा खास विक्रम नोंदवला.

KL राहुलनं १८ डावात ही कामगिरी करत एबी डिव्हिलियर्सच्या विक्रमाची बरोबरी साधली.

दक्षिण आफ्रिकेच्या एबी डिव्हिलियर्सनं RCB कडून खेळताना एबीनं राजस्थान रॉयल्स फ्रँचायझी संघाविरुद्ध २० डावात ही कामगिरी नोंदवली होती.

माजी क्रिकेटर शिखर धवनने राजस्थान रॉयल्स विरुद्ध २४ डावात सात वेळा ५० पेक्षा अधिक धावा केल्या आहेत.

आरसीबीचा स्टार बॅटर विराट कोहलीनं आतापर्यंतच्या आपल्या कारकिर्दीत राजस्थान रॉयल्स विरुद्ध ३३ डावात ७ वेळा ५० पेक्षा अधिक धावा केल्याचा रेकॉर्ड आहे.