भारतीय संघाने आशिया चषक स्पर्धेत पाकिस्तानला सलग दुसऱ्यांदा पराभूत केले. सुपर-४ फेरीत भारतीय संघाने पाकिस्तानवर ६ गडी राखून सहज विजय मिळवला.
सलामीवीर साहिबझादा फरहान याच्या ५८ धावा आणि इतर फलंदाजांच्या छोटेखानी खेळी यांच्या बळावर पाकिस्तानने भारताला १७२ धावांचे आव्हान दिले होते.
पाकिस्तानच्या आव्हानाचा पाठलाग करताना सलामीवीर अभिषेक शर्माच्या धडाकेबाज ७४ धावांच्या खेळीपुढे पाकिस्तानी गोलंदाजांचा जराही निभाव लागला नाही.
पाकिस्तानच्या वेगवान गोलंदाजांसह फिरकीपटूंचीही अभिषेक शर्माने तुफान धुलाई केली. टीम इंडियातील खेळाडूंच्या कामगिरीचे पाकिस्तानातूनही कौतुक होत आहे.
पण याचदरम्यान पाकिस्तानचा वेगवान गोलंदाज हॅरिस रौफ याने मैदानावर अभिषेक-गिल जोडीशी वाद घातल्यानंतर त्याच्या बायकोने केलेली पोस्टदेखील चर्चेत आलीये.
हॅरिस रौफ आणि पाकिस्तानी खेळा़डू हे भारतीय क्रिकेटपटूंना डिवचण्याचा प्रयत्न करत होते. तशातच रौफची पत्नी मुझना मसूद मलिक हिनेदेखील भारतीयांना डिवचले आहे.
तिने हॅरिस रौफचा ६-० असे आकडे दाखवतानाचा एक फोटो आपल्या इन्स्टाग्राम स्टोरीवर पोस्ट केला आणि त्यावर लिहिले की, पाकिस्तान सामना हरला पण युद्ध जिंकला!
पाकिस्तानने एक खोटा दावा केला होता की, युद्धात पाकने भारताची ६ मिसाईल्स पा़डली. त्यावरून ६-० असा डिवचण्याचा प्रयत्न रौफ आणि त्याच्या पत्नीने केले आहे.