टीम इंडियाचा आजचा सामना नामिबियाविरुद्ध आहे. आयसीसी स्पर्धेत या दोन्ही संघांमधील हा तिसरा सामना आहे. याआधी २००३ वनडे वर्ल्डकप आणि २०२१ टी२० वर्ल्डकपमध्ये दोन संघ खेळले आहेत.
भारताने आतापर्यंत दोन्ही वेळा नामिबियाला हरवले आहे. पण २००३ साली सचिन तेंडुलकरची विकेट घेऊन लोकप्रिय होणाऱ्या नामिबियाच्या एका डॉक्टरची सध्या चर्चा आहे. त्याचे नाव रुडी व्हॅन वुरेन.
नामिबियाचे रुडी व्हॅन वुरेन हे क्रिकेटर, डॉक्टर, वन्यजीव रक्षक, रग्बी खेळाडू आहेत. पण मुख्य म्हणजे, ५३ वर्षीय वुरेन हे नामिबिया क्रिकेट बोर्डाचे प्रमुख आहेत. देशात क्रिकेट वाढवण्याची जबाबदारी त्यांच्यावर आहे.
वुरेन यांनी दक्षिण आफ्रिकेतून वैद्यकीय शिक्षण पूर्ण केले. नामिबियाचे राष्ट्राध्यक्ष हेज गीनगोब यांचे ते वैयक्तिक डॉक्टर होते. २००० मध्ये त्यांनी पर्यावरणवादी विचारवंत मार्लीस यांच्याशी लग्न केले.
वुरेन यांची खरी लोकप्रियता तेव्हा वाढली जेव्हा त्यांनी २००३च्या विश्वचषकात सचिन तेंडुलकरला क्लीन बोल्ड केले. २००३ च्या क्रिकेट विश्वचषकात सचिन तेंडुलकरची विकेट घेऊन ते लोकप्रिय झाले.
नामिबियाविरुद्ध १५२ धावांची खेळी केल्यावर सचिन थकला होता. तेव्हा वुरेनने सचिनला बाद केले. सचिनसोबतच त्याने सेहवागलाही बाद केले होते. त्या सामन्यात त्याने ५३ धावांत दोन बळी घेतले होते.
त्या विश्वचषकानंतर, वुरेन पुन्हा नामिबियासाठी खेळले नाहीत. पण क्रिकेटसाठी काम करत राहिले. त्यामुळेच आता भारत-नामिबिया पुन्हा आमनेसामने असताना वुरेन नामिबिया क्रिकेट बोर्डाचे अध्यक्ष आहेत.