भारत आणि इंग्लंड यांच्यात सुरू असलेल्या अँडरसन-तेंडुलकर कसोटी मालिकेतील पहिल्या कसोटी सामन्यात भारताचा यष्टीरक्षक रिषभ पंत याने दोन्ही डावांत शतकी खेळी करत मोठा पराक्रम गाजवला आहे. पहिल्या डावात १३४ धावांची खेळी करणाऱ्या पंतने दुसऱ्या डावात ११८ धावा फटकावल्या. रिषभ पंतने या दोन्ही खेळी दरम्यान, काही जुने विक्रम मोडीत काढताना अनेक नवे विक्रम रचले. या विक्रमांचा आढावा खालील प्रमाणे...
रिषभ पंत याचे ४४ कसोटी सामन्यांमधील हे आठवे शतक आहे. त्याने ७७ डावांमध्ये ही कामगिरी केली आहे. त्याशिवाय पंतने १५ अर्धशतकेही ठोकली असून, कसोटी क्रिकेटमध्ये आतापर्यंत ३ हजार २०० धावा काढल्या आहेत.