आशिया कप स्पर्धेत सर्वाधिक विकेट्स घेणाऱ्या गोलंदाजांच्या यादीत श्रीलंकेचा दिग्गज फिरकीपटू मुथय्या मुरलीधरन सर्वात टॉपला आहे. त्याने २ सामन्यात ३० विकेट्स घेतल्या आहेत.
भेदक यॉर्करनं प्रतिस्पर्धी संघातील फलंदाजाला गुडघे टेकायला लावणाऱ्या श्रीलंकेच्या लसिथ मलिंगा याने आपल्या कारकिर्दित १४ सामन्यात २९ विकेट्स घेतल्या आहेत.
श्रीलंकेचा मिस्ट्री स्पिनर अजिंता मेंडिस याने फक्त ८ सामन्यात २६ विकेट्स घेतल्याचा रेकॉर्ड आहे.
पाकिस्तानच्या सईद अजमल या यादीत चौथ्या क्रमांकावर आहे. आशिया कप स्पर्धेत १२ सामन्यात त्याच्या खात्यात २५ विकेट्स जमा आहेत.
रवींद्र जडेजा या यादीत टॉप ५ मध्ये आहे. त्याने आशिया कप स्पर्धेतील २० सामन्यात २५ विकेट्स आपल्या नावे केल्या आहेत.
स्विंगचा बादशहा अशी ओळख निर्माण करून आपली कारकिर्द गाजवणाऱ्या श्रीलंकेच्या चांमिंडा वास याने आशिया कप स्पर्धेत १९ सामन्यात २३ विकेट्स घेतल्या आहेत.
या यादीत भारताचा माजी अष्टपैलू इरफान पठाणचाही समावेश आहे. त्याने २००४ ते २०१२ या कालावधीत १२ सामन्यात २२ विकेट्स घेतल्या आहेत.
स्फोटक फलंदाजीसाठी ओळखल्या जाणाऱ्या श्रीलंकेचा माजी सलामीवीर सनथ जयसूर्यानं २५ सामन्यात २२ विकेट्स आपल्या खात्यात जमा केल्या आहेत.
बांगलादेशच्या अब्दुर रज्जाक राज यानं आशिया कप स्पर्धेत १८ सामन्यात २२ विकेट्स मिळवल्या आहेत.
बांगलादेशचा स्टार ऑलराउंडर शाकिब अल हसन याने १८ सामन्यात २२ विकेट्स आपल्या खात्यात जमा केल्या आहेत.