एका दुखापतीने संपवलं करियर.. अवघ्या ३०व्या वर्षी क्रिकेटपटूला करावी लागली निवृत्तीची घोषणा

Cameron Steel Retirement: सारं काही करू पाहिलं, पण अखेर डॉक्टरांच्या सल्ल्यानुसार क्रिकेट सोडावंच लागलं.

Cameron Steel Retirement:

क्रिकेटच्या खेळात मैदानावरील कामगिरी आणि तंदुरूस्ती फार महत्त्वाची असते. संघातील आपली जागा टिकवण्यासाठी या बाबी निर्णायक ठरते.

याचदरम्यान, इंग्लंड क्रिकेटमधून एक धक्कादायक बातमी समोर आली आहे. एका ३० वर्षीय खेळाडूने अचानक निवृत्ती जाहीर केली आहे.

कॅमेरॉन स्टील असे क्रिकेटपटूचे नाव असून, तो सरे काउंटीचा खेळाडू आहे. २०२४मध्ये त्याला एक गंभीर स्वरूपाची दुखापत झाली होती.

या गंभीर दुखापतीनंतर त्याच्यावर दोन शस्त्रक्रिया कराव्या लागल्या. पण त्यानंतरही त्याला क्रिकेटच्या मैदानावर यशस्वी पुनरागमन करता आले नाही.

दीर्घकाळ वाट पाहूनही तो खेळण्यासाठी तंदुरूस्त झाला नाही. अखेर वैद्यकीय सल्ल्यानुसार त्याने व्यावसायिक क्रिकेट सोडण्याचा निर्णय घेतला.

२०२४ मध्ये त्याच्या डाव्या घोट्याला दुखापत झाली होती. त्यानंतर फेब्रुवारी २०२५ मध्ये त्याच्यावर ब्रॉन्कोस्टॉमी दुरुस्तीची शस्त्रक्रिया करण्यात आली.

मे २०२५ मध्ये तो मैदानावर परतला, परंतु त्याला दुखापतीमुळे त्रास होतच राहिला. यामुळे सप्टेंबर २०२५ मध्ये त्याच्यावर दुसरी शस्त्रक्रिया झाली.

त्यानंतर सहा महिन्यांची पुनर्वसन प्रक्रिया पार पडली. अखेरीस, वैद्यकीय सल्ल्यानुसार, त्याने व्यावसायिक क्रिकेटमधून निवृत्त होण्याचा निर्णय घेतला.

कॅमेरॉन स्टीलने ६६ प्रथम-श्रेणी सामन्यांत २७३३ धावा आणि ६० बळी घेतले. तर लिस्ट ए मध्ये ६६६ धावा केल्या आणि ४५ बळी घेतले. (सर्व फोटो सौजन्य- कॅमरॉन स्टील इन्स्टाग्राम)