१) भारतासाठी टी-२० क्रिकेटमध्ये सर्वात जलद शतक करण्याचा विक्रम उर्विल पटेल याच्या नावावर आहे. उर्विल पटेलने २०२४ च्या सय्यद मुश्ताक अली ट्रॉफीच्या चालू हंगामात अवघ्या ३१ चेंडूत शतक पूर्ण केले. त्याने त्रिपुराविरुद्ध ही अविश्वसनीय कामगिरी केली.
२) अभिषेक शर्मा भारतासाठी जलद शतक करणाऱ्यांच्या यादीत दुसऱ्या आणि पहिल्या क्रमांकावरही आहे. २०२५ च्या सय्यद मुश्ताक अली ट्रॉफीमध्ये त्याने बंगालविरुद्ध ३२ चेंडूत शतक झळकावले. टी-२० क्रिकेटमध्ये भारतासाठी हे दुसरे सर्वात जलद शतक ठरले.
३) टीम इंडियाचा स्टार यष्टिरक्षक-फलंदाज ऋषभ पंत देखील जलद शतक करणाऱ्यांच्या यादीत आहे. त्याने २०१८ मध्ये हिमाचल प्रदेशविरुद्ध केवळ ३२ चेंडूत नाबाद ११६ धावांची खेळी केली होती.
४) आणखी एक उदयोन्मुख भारतीय सलामीवीर वैभव सूर्यवंशी याने यादीत स्थान मिळवले आहे. केवळ १४ वर्षांच्या या युवा खेळाडूने नुकतेच २०२५ च्या रायझिंग एशिया कपमध्ये यूएईविरुद्ध ३२ चेंडूत शतक ठोकून क्रिकेट विश्वाचे लक्ष वेधून घेतले.
५) टीम इंडियाचा माजी कर्णधार रोहित शर्मा या यादीत पाचव्या क्रमांकावर आहे. त्याने २०१७ मध्ये इंदोर येथे श्रीलंकेविरुद्ध अवघ्या ३५ चेंडूत शतक झळकावले होते. आंतरराष्ट्रीय टी-२० क्रिकेटमध्ये हे भारतीय फलंदाजाचे सर्वात जलद शतक आहे.