कॅचेस विन मॅचेस, हे का म्हटलं जातं याची प्रचिती वेस्ट इंडिज विरुद्ध ऑस्ट्रेलिया यांच्यातल्या तिसऱ्या ट्वेंटी-२० सामन्यातून आली. वेस्ट इंडिजन तिसरा ट्वेंटी-२० सामना ६ विकेट्स राखून जिंकून पाच सामन्यांच्या मालिकेत ३-० अशी विजयी आघाडी घेतली आहे. या सामन्यात ड्वेन ब्राव्हो आणि फॅबिएन अॅलन या जोडीनं एक अफलातून झेल घेत ऑस्ट्रेलियाचा कर्णधार अॅरोन फिंच याला माघारी पाठवले. ऑस्ट्रेलियाच्या डावातील १२व्या षटकाच्या पाचव्या चेंडूवर हा अफलातून झेल घेतला गेला. फिंचन टोलावलेला चेंडू टिपण्यासाठी ब्राव्हो व अॅलन यांना प्रयत्न करावे लागले.
ब्राव्होनं चेंडूचा झेल टिपला पण, त्याच्या हातून तो निसटला. पण, ब्राव्होनं चेंडूला किक मारली अन् नजिकच असलेल्या अॅलननं डाईव्ह मारून तो चेंडू टिपला.
पाहा व्हिडीओ...