मुंबई : भारताचा कर्णधार विराट कोहली लवकरच बॉलिवूडमध्ये पदार्पण करणार आहे. गेली दहा वर्षे भारतीय क्रिकेटचे प्रतिनिधित्व करणारा विराट नव्या भूमिकेसाठी सज्ज झाला आहे. काही दिवसांपूर्वी त्याने ट्विटर हँडलवर “Trailer: The Movie” चा फोटो पोस्ट केला होता. त्याचे टीझर त्याने मंगळवारी लाँच केले.
विराटने त्याच्या ट्विटर हँडलवर 20 सप्टेंबरला एक पोस्ट शेअर केली होती. “Trailer: The Movie” असे टायटल असलेल्या फोटोत विराटने अॅक्शन हिरोप्रमाणे पोझ दिलेली पाहायला मिळाले होते. ''दहा वर्षांनंतर आणखी एक पदार्पण, आता वाट पाहवत नाही,'' असे ट्विट केले होते. मंगळवारी जाहीर केलेल्या टीझरमध्येही विराटने एखाद्या अॅक्शन हिरोप्रमाणे एन्ट्री घेतली आहे.