Join us
Daily Top 2Weekly Top 5

विराटने कसोटी निवृत्ती मागे घेण्याची होतेय मागणी; ...तर ठरेल '21व्या शतकातील' सर्वात मोठा कमबॅक!

विराटने 12 मे 2025 रोजी कसोटी क्रिकेटमधून निवृत्ती घोषित केली होती. त्याने आपल्या 123 टेस्ट सामन्यांच्या करिअरमध्ये 9230 धावा केल्या आहेत. तसेच या फॉरमॅटमध्ये त्याच्या नावे 30 शतके आणि 31 अर्धशतके आहेत.

By ऑनलाइन लोकमत | Updated: November 29, 2025 19:49 IST

Open in App

विराट कोहली आणि रोहित शर्माने 2024 च्या टी20 विश्वचषकानंतर, टी20 आंतरराष्ट्रीय फॉर्मेटमधून निवृत्ती घेतली, तेव्हा चाहत्यांनी आनंदाने त्यांना निरोप दिला होता. मात्र, मे 2025 मध्ये सहा दिवसांच्या आतच भारतीय क्रिकेट चाहत्यांना एका पाठोपाठ एक असे दोन मोठे धक्के बसले. विराट कोहली आणि रोहित शर्मा यांनी अचानक कसोटी क्रिकेटमधून निवृत्ती जाहीर केली. सध्या बीसीसीआय रोहित आणि विराटच्या वनडे क्रिकेटमधील भवितव्यावर बैठक करण्याच्या तयारीत असतानाच, दुसरीकडे मात्र, विराट कोहलीने कसोटीतील संन्यास मागे घेण्याची मागणी होऊ लागली आहे.

गेल्या एका वर्षात कसोटी सामन्यांमध्ये भारतीय संघाने सातत्याने निराशाजनक कामगिरी केली आहे. महत्वाचे म्हणजे 2025 मध्ये भारतीय संघाने 10 कसोटी सामने खेळले, त्यापैकी केवळ 4 जिंकले आणि 5 सामन्यांमध्ये पराभवाचा सामना करावा लागला, तर एक सामना अनिर्णित राहिला.

संघाच्या या खराब कामगिरीमुळे, सोशल मीडियावर विराट कोहलीने कसोटी क्रिकेटमधून निवृत्तीचा निर्णय मागे घ्यावा, अशी मागणी होत आहे. एका व्यक्तीने तर, बीसीसीआयचा हवाला देत म्हटले आहे की, 'बीसीसीआयने विराट कोहलीला कसोटी क्रिकेटमधून निवृत्तीचा निर्णय मागे घेण्याची अधिकृत विनंती केली आहे. तसेच, जर तो परत आला तर, हा 'सर्वात मोठा कमबॅक' ठरेल,' असेही या व्यक्तीने म्हटले आहे.

आणखी एका चाहत्याने, दक्षिण आफ्रिकेविरुद्धच्या आगामी वनडे मालिकेत चांगली कामगिरी केल्यास विराट कसोटी संन्यास मागे घेईल, असे म्हटले आहे. महत्वाचे म्हणजे, हे सर्व दावे सोशल मीडियावरील आहेत, आम्ही याची पुष्टी करत नाही.

खरे तर, विराट कोहली अथवा BCCI कडून यासंदर्भात कोणतेही अधिकृत विधान करण्यात आलेले नाही. विराटने 12 मे 2025 रोजी कसोटी क्रिकेटमधून निवृत्ती घोषित केली होती. त्याने आपल्या 123 टेस्ट सामन्यांच्या करिअरमध्ये 9230 धावा केल्या आहेत. तसेच या फॉरमॅटमध्ये त्याच्या नावे 30 शतके आणि 31 अर्धशतके आहेत. 

English
हिंदी सारांश
Web Title : Demand for Virat Kohli to Reconsider Test Retirement Surges

Web Summary : Following disappointing Test performances, fans urge Virat Kohli to reverse his retirement decision. Social media buzz suggests BCCI may request his return, potentially marking a major comeback after his retirement announcement on May 12, 2025. Official confirmation is awaited.
टॅग्स :विराट कोहलीबीसीसीआयसोशल मीडिया