Shubman Gill watch price : भारतीय संघ सध्या दुबई येथे सुरू असलेल्या आशिया कपमध्ये खेळत आहे. पहिला सामना भारताने सहज जिंकला. आता यूएईविरुद्ध शानदार विजयानंतर, भारताचा दुसरा सामना रविवारी १४ सप्टेंबरला होणाऱ्या पाकिस्तानशी होणार आहे. या मोठ्या सामन्यापूर्वी टीम इंडियाचे खेळाडू आनंदी मूडमध्ये दिसत आहेत. यादरम्यान टीमचा उपकर्णधार शुभमन गिल त्याच्या सोशल मीडिया पोस्टमुळे चर्चेत आला आहे. त्यातही महत्त्वाचे म्हणजे, तो फोटोतील घड्याळ्यामुळे अधिक चर्चेत आला आहे.
शुभमन गिलच्या घड्याळाची किंमत किती?
नुकताच शुभमन गिलने त्याच्या इंस्टाग्राम अकाउंटवर एक फोटो शेअर केला आहे, ज्यामध्ये तो कॅज्युअल लूकमध्ये दिसत आहे. मात्र, या फोटोमध्ये सर्वांचे लक्ष त्याच्या मनगटावर बांधलेल्या महागड्या घड्याळाकडे वेधले गेले आहे. शुभमनने रोलेक्स ऑयस्टर यलो गोल्ड आणि डायमंड घड्याळ घातले आहे. या घड्याळाच्या किंमतीने सर्वांना आश्चर्यचकित केले आहे. कारण या घड्याळाची किंमत सुमारे ९० लाख ते १ कोटी रुपयांच्या दरम्यान असल्याचे सांगितले जात आहे.
भारतीय क्रिकेटपटूंना महागड्या घड्याळांची आवड
क्रिकेट जगतात खेळाडूंना महागड्या वस्तूंची आवड असणे हे काही नवीन नाही. टीम इंडियाचे अनेक खेळाडू अनेकदा महागड्या घड्याळे आणि लक्झरी वस्तूंसह दिसतात. यात हार्दिक पांड्याचे नाव आघाडीवर आहे. अनेक वेळा त्याच्या हातावर दोन ते अडीच कोटी रुपयांचे महागडे घड्याळ दिसले आहे. आता याच यादीत शुभमन गिलचे नावही सामिल झाले आहे.
Web Title: Shubman Gill shared a post on social media, more of a watch than his photo
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
