T20 World Cup, Pakistan vs Australia Semi Final Live Update : ऑस्ट्रेलियानं पाच विकेट्स व सहा चेंडू राखून पाकिस्तानवर विजय मिळवताना अंतिम फेरीत प्रवेश केला. ट्वेंटी-२० वर्ल्ड कप स्पर्धेच्या जेतेपदासाठी त्यांच्यासमोर आता न्यूझीलंडचे आव्हान असणार आहे. २००९ची चॅम्पियन्स ट्रॉफी, २०१५चा वन डे वर्ल्ड कप आणि आता २०२१चा ट्वेंटी-२० वर्ल्ड कप जेतेपदासाठी हे कट्टर प्रतिस्पर्धी समोरासमोर येणार आहेत. पण, या सामन्यात नेटिझन्सकडून भारताची टेनिस स्टार सानिया मिर्झा ( Sania Mirza) हिला ट्रोल केलं जात आहे.
पाकिस्तानकडून बाबर-रिझवान यांच्या ७१ धावांच्या भागीदारीनंतर रिझवान व जमान यांनी अखेरच्या १० षटकांत १०५ धावा कुटल्या. पाकिस्तानचा कर्णधार ३९ धावांवर माघारी परतला. रिझवान ५२ चेंडूंत ३ चौकार व ४ षटकारांसह ६७ धावांवर माघारी परतला. त्यानंतर जमान ३२ चेंडूंत ३ चौकार व ४ षटकारांसह ५५ धावांवर नाबाद राहिला. पाकिस्ताननं ४ बाद १७६ धावा कुटल्या.
ऑस्ट्रेलियाची सुरुवात खराब झाली. अॅरोन फिंच याला भोपळ्यावर माघारी परतला. त्यानंतर डेव्हिड वॉर्नर ( David Warner) आणि मिचेल मार्श यांनी ऑसींचा डाव सावरला. वॉर्नर ३० चेंडूंत ३ चौकार व ३ षटकार मारून ४९ धावांवर माघारी परतला. ऑस्ट्रेलियाला अखेरच्या सहा षटकांत ६८ धावा करायच्या होत्या. मॅथ्यू वेड व मार्कस स्टॉयनिस यांनी ऑस्ट्रेलियाला वेड १७ चेंडूंत २ चौकार व ४ षटकारांसह नाबाद ४१ धावा केल्या,तर स्टॉयनिस ४० धावांवर नाबाद राहिला. शाहिननं १९वे षटक फेकले. शादाबनं २६ धावांत ४ विकेट्स घेतल्या.
याही सामन्यात सानिया मिर्झा पती शोएब मलिका याला चिअर करण्यासाठी पोहोचली होती आणि तिला पाकिस्तानसाठी टाळ्या वाजवताना पाहून नेटिझन्स भडकले अन् तिला ट्रोल केले.