आशिया चषक स्पर्धेत प्रथमच खेळण्यासाठी पात्र ठरलेल्या नेपाळने ( Nepal Cricket) १० वर्षांनंतर ट्वेंटी-२० वर्ल्ड कप स्पर्धेत एन्ट्री घेतली आहे. मुलपानी क्रिकेट मैदानार पार पडलेल्या ट्वेंटी-२० वर्ल्ड कप आशियाई पात्रता स्पर्धेच्या उपांत्य फेरीत त्यांनी संयुक्त अरब अमिरातीवर ( UAE) दणदणीत विजय मिळवला आणि २०२४ मध्ये अमेरिका-वेस्ट इंडिज येथे होणाऱ्या ट्वेंटी-२० वर्ल्ड कपची पात्रता निश्चित केली. भारतीय माँटी दास ( Monty Das ) यांनी मुख्य प्रशिक्षक म्हणून जबाबदारी स्वीकारल्यानंतर नेपाळच्या क्रिकेटमध्ये कमालीची सुधारणा झालेली पाहायला मिळतेय आणि आज निकाल हा त्याचेच फलित आहे.
![]()
ICC Mens T20I World Cup Asia Finals स्पर्धेच्या उपांत्य फेरीत नेपाळने ८ विकेट्स राखून यूएईवर विजय मिळवला. या स्पर्धेच्या फायनलमध्ये जाणारे दोन संघ ट्वेंटी-२० वर्ल्ड कप स्पर्धेसाठी पात्र ठरणार आहेत आणि नेपाळने त्यापैकी एक स्थान पटकावले. प्रथम फलंदाजी करताना संयुक्त अरब अमिरातीने २० षटकांत ९ बाद १३४ धावा केल्या. यष्टिरक्षक-फलंदाज अरविंदने ६४ धावांची खेळी करून एकट्याने लढा दिला. कर्णधार मुहम्मद वसीम ( २६) याने हातभार लावला. नेपाळच्या कुशल मल्लाने ३, तर लामिछानेने दोन विकेट्स घेतल्या.
प्रत्युत्तरात, आसिफ शेखच्या नाबाद ६४ आणि कर्णधार रोहित पौडेलच्या नाबाद ३४ धावांच्या जोरावर नेपाळने १७.१ षटकांत २ बाद १३५ धावा करून विजय मिळवला. कुशल भुर्तेल ( ११) व गुलसन झा ( २२) यांना मोठी खेळी करता आली नाही. या स्पर्धेच्या पहिल्या उपांत्य फेरीत ओमानने १० विकेट्सने बहरिनला हरवून वर्ल्ड कप स्पर्धेतील स्थान पक्के केले.
Web Title: Nepal will make their re-entry in the T20 World Cup after 10 long years, They beat the UAE in the semi-final of the T20 World Cup Asia Qualifier at the Mulpani Cricket Ground.
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
