कोरोनाच्या वाढत्या प्रादुर्भावामुळे मुंबई क्रिकेट असोसिएशननं मुंबई टी-२० लीग स्पर्धा पुढील आदेशापर्यंत स्थगित करण्याचा निर्णय घेतला आहे. कोरोनाच्या पार्श्वभूमीवर टी-२० लीगशी संबंधीत सर्व खेळाडू, व्यवस्थापक, संघ आणि सपोर्ट स्टाफच्या आरोग्याच्या सुरक्षेच्या पार्श्वभूमीवर स्पर्धा स्थगित करण्याचा निर्णय घेण्यात आल्याचं पत्रक मुंबई क्रिकेट असोसिएशननं जारी केलं आहे.
![]()
मुंबई क्रिकेट असोसिएशनच्या मान्यतेने २०१८ सालापासून मुंबई ट्वेंटी-20 लीगला सुरुवात झाली. यंदाचं या लीगचं तिसरं वर्ष आहे. पहिल्या मोसमात लीगला चांगला प्रतिसाद लाभला होता. या लीगमध्ये सहा संघांचा समावेश होता.
