MI vs KKR Rohit Sharma Set New Record : मुंबईच्या वानखेडेच्या मैदानात कोलकाताच्या संघाने दिलेल्या विक्रमी धावसंख्येचा पाठलाग करताना रोहित शर्मानं दमदार फटकेबाजीचा नजराणा पेश केला. पॉवर प्लेमध्ये आपल्या फलंदाजीतील ताकद दाखवून देताना हिटमॅन रोहित शर्मानं अवघ्या २३ चेंडूत अर्धशतकाला गवसणी घातली. हे त्याच्या आयपीएल कारकिर्दीतल सर्वात जलद अर्धशतक ठरले. याशिवाय त्याने या सामन्यात कोलकाता नाईट रायडर्सविरुद्ध सर्वाधिक धावा करण्याचा विक्रमही आपल्या नावे केला.
'लोकमत'चं WhatsApp चॅनल फॉलो करा!
ईएसपीएन क्रिकइन्फोच्या माहितीनुसार, रोहित शर्मानं कोलकाता नाईट रायडर्सविरुद्ध विरुद्ध आयपीएलमधील ३६ सामन्यांत ३८ च्या सरासरी आणि १२७ च्या स्ट्राइक रेटसह १०९४ पेक्षा अधिक धावा केल्या आहेत. यात ६ अर्धशतकासह रोहितनं एक शतक झळकावल्याचा रेकॉर्डही आहे. कोलकाता विरुद्ध सर्वाधिक धावा करणाऱ्या फलंदाजांच्या यादीत याआधी डेविड वॉर्नर आघाडीवर होता. त्याला मागे टाकत हिटमॅन आता नंबर वनवर पोहचला आहे. या दोघांशिवाय विराट कोहली हा एकमेव असा फलंदाज आहे ज्याने आयपीएलमध्ये कोलकाता फ्रँचायझीविरुद्ध १००० पेक्षा अधिक धावा केल्या आहेत.
