SMAT 2025 : इशान किशनचं 'शानदार' शतक; विराटची नाबाद फिफ्टी अन्... (VIDEO)

धावांचा पाठलाग करताना इशान किशनचा 'शतकी' शो! तेही नाबाद 

Ishan Kishan Hit 45 Ball Handred In SMAT : सय्यद मुश्ताक अली ट्रॉफी स्पर्धेतील एलिट ग्रुप डीच्या लढतीत झारखंड आणि त्रिपुरा यांच्यातील सामन्यात इशान किशनचा जलवा पाहायला मिळाला. बऱ्याच काळापासून टीम इंडियाबाहेर असलेला युवा विकेट किपर बॅटर देशांतर्गत टी-२० स्पर्धेत झारखंड संघाचे नेतृत्व करत आहे. त्रिपुराविरुद्धच्या सामन्यात त्याने धमाकेदार शतकी खेळी करत संघाला दिमाखदार विजय मिळवून दिल्याचे पाहायला मिळाले.

 'लोकमत'चं WhatsApp चॅनल फॉलो करा! 

धावांचा पाठलाग करताना इशान किशनचा 'शतकी' शो! तेही नाबाद 

झारखंडविरुद्धच्या लढतीत त्रिपुरा संघाने पहिल्यांदा फलंदाजी करताना निर्धारित २० षटकात ७ विकेटच्या मोबदल्यात १८२ धावा केल्या होत्या. या धावसंख्येचा पाठलाग करताना इशान किशन याने नाबाद ११३ धावांची खेळी करत आपल्या संघाला १७. ३ षटकात विजयम मिळवून दिला.

IND vs SA : MS धोनीच्या घरच्या मैदानात 'रो-को'नं रचला इतिहास! सचिन-द्रविड जोडीचा महारेकॉर्ड मोडला

इशान किशन यानं ४५ चेंडूत साजरे केले शतक, विरानं अर्धशतकासह दिली साथ 

त्रिपुरा संघाने दिलेल्या धावसंख्येचा पाठलाग करताना इशान किशन याने उत्कर्ष सिंह याच्या साथीनं झारखंडच्या डावाची सुरुवात केली. उत्कर्ष अवघ्या ५ धावा करुन तंबूत परतला. त्याची जागा घेण्यासाठी आलेल्या कुमार कुशाग्र ६ धावांवर बाद झाला. त्यानंतर कर्णधार इशान किशन आणि विराट सिंह जोडी जमली. इशान किशन याने ४५ चेंडूत शतक पूर्ण केले. ११३ धावांच्या नाबाद खेळीत इशान किशन याने १० चौकार आणि ८ षटकार ठोकले. विराट सिंह याे ४० चेंडूत ४ चौकार आणि एका षटकाराच्या मदतीने ५३ धावांची नाबाद खेळी केली.विजय शंकरचे अर्धशतक ठरलं व्यर्थ

टॉस जिंकून झारखंडच्या संघाने पहिल्यांदा फलंदाजी करताना  विजय शंकरनं ५९ धावांची खेळी केली. याशिवाय  बिक्रमकुमार दास याने ४२ धावा तर त्रिपुराचा कर्णधार मणिशंकर मुरासिंह याेन ४२ धावांची खेळी करत संघाच्या धावफलकावर १८२ धावा लावल्या. पण इशान-विराट जोडीसमोर ही धावसंख्या कमी पडली.