IPL 2026 Who is Auqib Nabi Jammu and Kashmir Fast bowler making his debut for DC : जम्मू काश्मीरच्या संघाला रणजी स्पर्धेत ऐतिहासिक जेतेपद मिळवून देण्यात महत्त्वाची भूमिका बजावत टीम इंडियाचे दरवाजे ठोठावणाऱ्या औकिब नबी दार (Auqib Nabi Dar) याची आयपीएलमध्ये एन्ट्री झाली आहे. चेन्नई सुपर किंग्स विरुद्धच्या सामन्यात दिल्ली कॅपिटल्स संघाने त्याला पदार्पणाची संधी दिली. जम्मू काश्मीरच्या जलदगती गोलंदाजाने देशांतर्गत क्रिकेटमध्ये आपल्या गोलंदाजीची धार दाखवून दिली आहे. मिनी लिलावात DC नं या गोलंदाजासाठी तब्बल ८. ४० कोटी एवढी मोठी रक्कम खर्च केली होती. दुलिप करंडक ट्रॉफी स्पर्धेत या पठ्ठ्यानं ४ चेंडूत ४ विकेट्स घेत कपिल पाजींचा विक्रमही मोडूनही सर्वांचे लक्षवेधून घेतले होते. इथं जाणून घेऊयात आयपीएलमध्ये पदार्पण करणाऱ्या नव्या हिरोचा देशांतर्गत क्रिकेट ते IPL पर्यंतचा प्रवास...
'लोकमत'चं WhatsApp चॅनल फॉलो करा!
IPL मधील नेट बॉलर ते देशांतर्गत क्रिकेट स्पर्धेतील हिरो
आयपीएल स्पर्धेत तगडी बोली लागण्याआधी जम्मू काश्मीरच्या २९ वर्षीय जलदगती गोलंदाजाने सनरायझर्स हैदराबाद आणि राजस्थान रॉयल्स यासारख्या IPL फ्रँचायझी संघासोबत नेट बॉलरच्या रुपात काम केले होते. नबी हा रणजी करंडक २०२५-२६ च्या हंगामात सर्वाधिक ६० विकेट्स घेतल्याचा रेकॉर्ड आहे. दुलीप करंडक स्पर्धेत या पठ्ठ्यानं ४ चेंडूत ४ विकेट्स घेत कपिल देव यांचा विक्रम मोडला होता १९७९ मध्ये कपिल देव यांनी दुलिप करंडक स्पर्धेतील फायनलमध्ये हॅटट्रिकचा डाव साधला होता. हा विक्रम त्याने मोडला होता.
IPL 2026 Rising Stars : मुकुल चौधरी ते प्रशांत वीर! एका रात्रीत स्टार झाले 'हे' ५ युवा क्रिकेटर्स
रणजीच्या फायनलमध्ये 'पंजा' अन् खास विक्रम
यंदाच्या रणजी करंडक स्पर्धेच्या अंतिम सामन्यातील पहिल्या डावात त्याने पाच विकेट्सचा डाव साधत खास विक्रमाला गवसणी घातली होती. रणजी स्पर्धेच्या एका हंगामात ६० विकेट्स घेताना त्याने सात वेळा पंजा मारला होता. हा एक विक्रमच आहे. आता आयपीएलमध्ये तो हीच कमाल दाखवणार का? ते पाहण्याजोगे असेल.
