IPL 2026 Royal Challengers Bengaluru Won By 18 Runs Against Mumbai Indians : मुंबई इंडियन्सचा बालेकिल्ला असलेल्या वानखेडेच्या मैदानात रॉयल चॅलेंजर्स बंगळुरुच्या संघाने पुन्हा एकदा हवा केली. आयपीएल २०२६ स्पर्धेतील १९ व्या हंगाातील रविवारी खेळवण्यात आलेल्या १९ व्या सामन्यात पहिल्यांदा फलंदाजी करताना रॉयल चॅलेंजर्स बंगळुरुच्या संघाने मुंबई इंडियन्ससमोर २४१ धावांचे विक्रमी लक्ष्य ठेवले होते. या धावसंख्येचा पाठलाग करताना मुंबई इंडियन्सचा संघ निर्धारित २० षटकात ५ बाद २२२ धावांपर्यंतच मजल मारु शकला. स्नायू दुखापतीमुळे पॉवर प्लेमध्ये सलामीवीर रोहित शर्मानं मैदान सोडलं तिथंच RCB नं सामन्यावर पकड मिळवली. शेरफेन रुदरफोर्डच्या नाबाद अर्धशतकाशिवाय हार्दिक पांड्याच्या २२ चेंडूतील ४० धावांच्या खेळीशिवाय एकालाही धमक दाखवता आली नाही. गत हंगामात दहा वर्षांनी RCB नं वानखेडेवर विजय नोंदवला होता. हा सिलसिला यंदाच्या हंगामातही त्यांनी कायम ठेवला.
पहिल्यांदा फलंदाजी करताना आरसीबीचा सलामीवीर फिल सॉल्ट ७८ (३६) आणि विराट कोहली ५० (३८) यांनी पहिल्या विकेटसाठी ६५ चेंडूत १२० धावांची दमदार भागीदारी रचली. या दोघांनी आपली जबाबदारी चोख बजावल्यावर कर्णधार रजत पाटीदार याने अवघ्या २० चेंडूत ४ चौकार आणि ५ षटकारांच्या मदतीने ५३ धावांची कडक खेळी केली. अखेरच्या षटकात टिम डेविड याने १६ चेंडूत केलेल्या ३४ धावांच्या खेळीच्या जोरावर आरसीबीच्या संघाने निर्धारित २० षटकात ४ बाद २४० धावा करत मुंबई इंडियन्ससमोर २४१ धावांचे विक्रमी टार्गेट सेट केले होते. मुंबई इंडियन्सकडून ट्रेंट बोल्ट, हार्दिक पांड्या, मिचेल सँटनर आणि शार्दुल ठाकूर यांनी प्रत्येकी १-१ विकेट घेतली. जसप्रीत बुमराह पुन्हा एकदा आपली छाप सोडण्यात अपयशी ठरला.
Web Summary : RCB defeated MI at Wankhede after setting a 241-run target. Rohit's injury exit shifted momentum. Salt, Kohli, and Patidar shone with the bat contributing to RCB's victory, while MI's batting faltered despite some resistance from Hardik Pandya. RCB won by 18 runs.
Web Summary : वानखेड़े में RCB ने MI को 241 रनों का लक्ष्य देकर हराया। रोहित की चोट के कारण मैदान छोड़ने से खेल बदल गया। साल्ट, कोहली और पाटीदार ने शानदार प्रदर्शन किया, जबकि हार्दिक पांड्या के प्रतिरोध के बावजूद MI की बल्लेबाजी विफल रही। RCB 18 रनों से जीता।