IPL 2023, Mumbai Indians vs Chennai Super Kings : चेन्नई सुपर किंग्सने इंडियन प्रीमिअर लीग २०२३ मध्ये मुंबई इंडियन्सला त्यांच्याच घरच्या मैदानावर लोळवले. अजिंक्य रहाणे ( Ajinkya Rahane) या विजयाचा हिरो ठरला. MI चे १५८ धावांचे लक्ष्य चेन्नईने १८.१ षटकांत ३ विकेट्सच्या मोबदल्यात सहज पार केले. अजिंक्यने सामन्यानंतर मन मोकळे केले. त्याने अप्रत्यक्षपणे BCCI कडे एक विनंती केलीय...
रोहित (२१) व इशान ( ३२) यांच्या विकेटनंतर यजमानांची गाडी घसरली. सूर्यकुमार यादव ( १), कॅमेरून ग्रीन( १२) आणि अर्शद खान ( १) अपयशी ठरले. तिलक वर्मा ( २२) अन् टीम डेव्हिड यांनी काहीकाळ संघर्ष केला. रवींद्र जडेजाने २० धावांत ३ विकेट्स घेतल्या. सँटनरनेही २८ धावांत २ बळी टिपले. टीम डेव्हिड २२ चेंडूंत ३१ धावा करून माघारी परतला. मुंबई इंडियन्सने ८ बाद १५७ धावा केल्या. तुषार देशपांडेनेही ३१ धावांत २ बळी टिपले.
जेसन बेहरेनडॉर्फने तिसऱ्या चेंडूवर डेव्हॉन कॉनवे ( ०) याचा त्रिफळा उडवला. तिसऱ्या क्रमांकावर फलंदाजीला आलेल्या अजिंक्य रहाणेने ७ चेंडूंत ७ चौकार व ३ षटकारांसह ६१ धावांची खेळी केली. शिवम दुबेने ( २८) ने ऋतुराजसह ४३ धावांची भागीदारी केली. अंबाती रायुडू व ऋतुराजने चेन्नईला ७ विकेट्स राखून मॅच जिंकून दिली. ऋतुराज ४०, तर रायुडू २० धावांवर नाबाद राहिले. ( अजिंक्यची ६१ धावांची वादळी खेळी, पाहा Video )
अजिंक्य रहाणे भारताच्या कसोटी संघातून जानेवारी 2022 पासून बाहेर आहे आणि त्याला अजूनही कसोटी क्रिकेट खेळण्याची इच्छा आहे. त्याने 82 कसोटींत 4931 धावा करताना 12 शतकं व 25 अर्धशतकं झळकावली आहेत. आता BCCI त्याचं वानखेडेवर खेळण्याचं स्वप्न पूर्ण करते का, हे पाहायचं आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"