IPL 2022 Mumbai Indians vs Royal Challengers Bangalore Live Updates : रॉयल चॅलेंजर्स बंगळुरूच्या गोलंदाजांनी पाचवेळा जेतेपद उंचावणाऱ्या मुंबई इंडियन्सची अवस्था फार वाईट केली. रोहित शर्मा व इशान किशन यांनी ज्या प्रकारे सुरूवात केली होती, ती पाहून आजच्या सामन्यात मुंबई कोणाचं ऐकत नाही असेच वाटले होते. पण, हर्षल पटेलने ( Harshal Patel) रोहितची विकेट घेतली आणि MI ची गाडी घसरण्यास सुरुवात झाली. ११ चेंडूंत त्यांचे पाच फलंदाज W,1,1,0,0,W,0,0,W,0,W असे माघारी परतले. आयपीएल २०२२ त आज पहिलाच सामना खेळणाऱ्या ग्लेन मॅक्सवेलने ( Glenn Maxwell ) केलेला रन आऊट भन्नाट होता.
फॅफ ड्यू प्लेसिसने नाणेफेक जिंकून मुंबई इंडियन्सला प्रथम फलंदाजीचे आमंत्रण दिले आहे. RCBच्या ताफ्यात ग्लेन मॅक्सवेल परतला आहे आणि त्याच्यासाठी शर्फाने रुथरफोर्डला बसवले गेले आहे. मुंबईने आज टायमल मिल्स व डॅनिएल सॅम्स यांच्याजागी जयदेव व रमणदीप यांना संधी दिली आहे. इशान किशनने आक्रमक सुरुवात केली. इशानच्या १२ धावा असताना रोहितच्या केवळ ४ धावा होत्या, पण चौथ्या षटकात मोहम्मद सिराजला त्याने चोपले आणि १६ धावांवर पोहोचला. रोहित व इशान यांनी मुबंईला चांगली सुरुवात करून अर्धशतकी भागीदारी केली. ७व्या षटकात हर्षल पटेलने ( Harshal Patel) चतुराईने स्वतःच्याच गोलंदाजीवर रोहितला झेल देण्यास भाग पाडले. रोहित १५ चेंडूंत ४ चौकार व १ षटकारांसह २६ धावांवर माघारी परतला.
रोहितच्या विकेटनंतर मुंबई इंडियन्सच्या डावाला गळती लागली. आकाश दीपने सलामीवीर इशानला ( २६) माघारी पाठवले. वनिंदू हसरंगाने दोन विकेट्स घेताना डेवॉल्ड ब्रेव्हिस व किरॉन पोलार्ड यांना पायचीत पकडले. तिलक वर्मा घाई करण्याच्या नादात रन आऊट झाला आणि बिनबाद ५० वरून मुंबईची धावसंख्या ५ बाद ६२ अशी झाली. ग्लेन मॅक्सवेलने अप्रतिम क्षेत्ररक्षण करताना उल्लेखनीय रन आऊट केला.
पाहा व्हिडीओ..