हैदराबाद, आयपीएल 2019 : डेव्हिड वॉर्नरची भन्नाट खेळी आणि गोलंदाजांच्या चांगल्या माऱ्यामुळे सनरायर्स हैदराबादला किंग्ज इलेव्हन पंजाबवर विजय मिळवता आला. या विजयासह हैदराबादचे 12 गुण झाले आहेत. हैदराबादने हा सामना 45 धावांनी जिंकला. लोकेश राहुलने पंजाबचा एकहाती किल्ला लढवला, पण त्याला संघाला विजय मिळवून देता आला नाही. राहुलने 56 चेंडूंत 79 धावांची खेळी साकारली.
हैदराबादच्या 213 या आव्हानाचा पाठलाग करताना पंजाबची चांगली सुरुवात झाली नाही. पण लोकेश राहुलने मात्र एका बाजूने किल्ला लढवला. राहुलने अर्धशतक पूर्ण करत संघाचे आव्हान जीवंत ठेवण्याचा प्रय्तन केला होता. पण त्याला अन्य फलंदाजांची अपेक्षित साथ न लाभल्यामुळे पंजाबला पराभवाचा सामना करावा लागला.
आपल्या आयपीएलच्या अखेरच्या सामन्यातही सनरायझर्स हैदराबादचा सलामीवीर डेव्हिड वॉर्नर तळपल्याचे पाहायला मिळाले. आपल्या धडाकेबाज 81 धावांच्या खेळीच्या जोरावर वॉर्नर आयपीएलला अलविदा करणार आहे. वॉर्नरच्या तुफानी खेळीच्या जोरावर हैदराबादला 212 अशी आव्हानात्मक धावसंख्या उभारता आली.
पंजाबने नाणेफेक जिंकून हैदराबादला प्रथम फलंदाजीसाठी पाचारण केले. हैदराबादच्या सलामीवीरांनी या गोष्टीचा चांगलाच फायदा उचलला. डेव्हिड वॉर्नर आणि वृद्धिमान साहा यांनी चार षटकांमध्येच संघाचे अर्धशतक पूर्ण केले. पण साहाला यावेळी मोठी खेळी साकारता आली नाही. साहाला 18 धावांवर असताना मुरुग्गन अश्विनने बाद केले.
साहा बाद झाल्यावर वॉर्नरची मनीष पांडेबरोबर चांगलीच जोडी जमली. या दोघांनी संघाला 160 धावांपर्यंत मजल मारून दिली. पण त्यानंतर फक्त तीन धावांमध्ये हे दोघेही फलंदाज बाद झाले. वॉर्नरने यावेळी 56 चेंडूंत 81 धावांची धडाकेबाज खेळी साकारली. या खेळीमध्ये वॉर्नरने सात चौकार आणि दोन षटकार लगावले.
जेव्हा स्पायडर कॅमेरा गेलला पाहून घाबरतो तेव्हा, पाहा व्हिडीओख्रिस गेल हा मॅचमध्ये बऱ्याच गोष्टी करत असतो. किंग्ज इलेव्हन पंजाब आणि सनरायझर्स हैदराबाद यांच्यातील सामन्यामध्ये तर गेलचा एक अनोखा प्रकार पाहायला मिळाला. मैदानातील स्पायडर कॅमेरा हा गेलला घाबरल्याचे या सामन्यात पाहायला मिळाले.
हा सामना सुरु असताना गेल क्षेत्ररक्षण करत होता. त्यावेळी हा कॅमेरा गेलचा पाठलाग करत त्याच्या मागे गेला. ही गोष्ट जेव्हा गेलला समजली तेव्हा गेल त्या कॅमेराच्या दिशेने रागात चालत आला. त्यावेळी आपले आता काही खरे नाही, असे कॅमेरा ऑपरेटरला वाटले असावे. कारण जसा गेल कॅमेराजवळ गेला, तसा कॅमेरा हवेत झेपावल्याचे पाहायला मिळाले.
पाहा हा व्हिडीओ