IPL 2019 : याला म्हणतात सेलिब्रेशन... हिटमॅन रोहितच्या रॅपसाँगवर थिरकला युवी | IPL 2019: This is called Celebration ... Hitman Rohit sharma's rap song & yuvraj singh dance

मुंबई, आयपीएल 2019 : मुंबई इंडियन्सने रविवारी इतिहास घडवला. इंडियन प्रीमिअर लीगचे सर्वाधिक चारवेळा जेतेपद पटकावण्याचा पराक्रम मुंबई इंडियन्सने केला. आयपीएलच्या 12व्या मोसमाच्या अंतिम सामन्यात मुंबईने थरराक लढतीत चेन्नई सुपर किंग्सवर 1 धावेने विजय मिळवला. आयपीएलमध्ये सर्वाधिक यशस्वी कर्णधार म्हणून रोहित शर्माचे नाव आघाडीवर आहे. त्याच्या नावावर कर्णधार म्हणून चार जेतेपदं जमा झाली आहेत. त्याचे हे एकूण पाचवे जेतेपद आहे. त्यामुळे या विजयाचे सेलिब्रेशनपण दणक्यात व्हायलाच हवे. सामना संपल्यानंतर हिटमॅन रोहितनं डान्स फ्लोअर गाजवला आणि त्याला सिक्सरकिंग युवराज सिंगची साथ मिळाली.

रोहितला आयपीएलच्या अंतिम सामन्यात एकदाही पराभव पत्करावा लागलेला नाही आणि असा विक्रम करणारा तो एकमेव खेळाडू आहे. रोहितने डेक्कन चार्जर्सकडून 2009 मध्ये आयपीएलचा चषक उंचावला होता. त्यानंतर मुंबई इंडियन्सकडून त्यानं ( 2013, 2015, 2017 व 2019 ) चार जेतेपदं जिंकली. जेतेपदांच्या सालावर लक्ष दिल्यास लक्षात येईल की एक वर्षाच्या गॅपनंतर मुंबईने बाजी मारली आहे. त्यामुळे यंदाही त्यांचेच नाणं खणखणीत वाजेल यात कुणालाही शंका नव्हती.

मुंबई इंडियन्से 2017 मध्ये हैदराबाद येथेच अवघ्या 1 धावेने हार मानण्यास भाग पाडले होते आणि 2019 मध्ये त्यांनी चेन्नईवरही एका धावेने विजय मिळवला. यापूर्वी मुंबईने जिंकलेल्या तीनही जेतेपदाच्यावेळी ऑरेंज कॅप पटकावणारा खेळाडू हा ऑस्ट्रेलियाचाच राहिला आहे. पण, 2013 आणि 2015 मध्ये डेव्हिड वॉर्नर आणि मुंबई इंडियन्स हे समीकरण जुळले आहे. त्यामुळे याच निकषावर मुंबईने यंदाही जेतेपदाचा चषक उंचावला. वॉर्नरने 2015 मध्ये 14 सामन्यां 7 अर्धशतकांसह 562 धावा, तर 2017 मध्ये 14 सामन्यांत 4 अर्धशतकं व 1 शतकासह 641 धावा करत ऑरेंज कॅप नावावर केली होती. यंदाही ऑरेंज कॅप ही वॉर्नरलाच मिळणार आहे. त्याने 12 सामन्यांत 8 अर्धशतकं व 1 शतकासह 692 धावा चोपल्या आहेत. त्याच्या जवळपासही कुणी नाही. त्यामुळे 2013 व 2015 प्रमाणे वॉर्नर यंदाही मुंबई इंडियन्ससाठी 'लकी बॉय' ठरला.

या विजयानंतर रोहित शर्माने 'गल्ली बॉय' चित्रपटातील रॅप साँग गायले आणि त्यावर युवीनं ठेका धरला. पाहा व्हिडीओ...