Join us
Daily Top 2Weekly Top 5

IND vs SA : अनुभवी फलंदाजांनी पेश केला खास नजराणा; किंग कोहली अन् रोहितसह KL राहुलनं दाखवला क्लास!

फलंदाजीवेळी अनुभवी गड्यांना गाजवलं मैदान

By ऑनलाइन लोकमत | Updated: November 30, 2025 17:54 IST

Open in App

विराट कोहलीची विक्रमी सेंच्युरी आणि रोहित शर्मासह वनडेतील कार्यवाहू कर्णधार लोकेश राहुलच्या क्लास शोच्या जोरावर भारतीय संघाने दक्षिण आफ्रिकेसमोर ३५० धावांचे टार्गेट सेट केले आहे. नाणेफेकीचा कौल पुन्हा एकदा प्रतिस्पर्धी संघाच्या बाजूनं लागल्यामुळे टीम इंडियावर पहिल्यांदा फलंदाजी करण्याची वेळ आली. संघाच्या धावफलकावर अवघ्या २५ धावा असताना युवा बॅटर यशस्वी जैस्वाल तंबूत परतला. मग अनुभवी जोडी पिक्चरमध्ये आली. 

 'लोकमत'चं WhatsApp चॅनल फॉलो करा! 

विराट-रोहीत जोडी जमली, अन्..

विराट कोहली आणि रोहित शर्मा या अनुभवी जोडीनं आपल्यातील दमदार खेळीचा नजराणा पेश करताना टीम इंडियाला फक्त पहिल्या धक्क्यातून सावरलं नाही तर या जोडीनं  शतकी भागीदारीसह दक्षिण आफ्रिकेच्या संघातील गोलंदाजांचे खांदे पाडले. दोघांनी दुसऱ्या विकेटसाठी १०९ चेंडूत १३६ धावांची भागीदारी रचली. 

'रनमशिन' कोहलीचा मोठा पराक्रम! क्रिकेटच्या देवालाच मागे टाकत बनला वनडेतील शतकांचा 'बादशहा'

केएल राहुलच्या अर्धशतक खेळीसह जड्डूची उपयुक्त खेळी. 

किंग कोहलीनं वनडेतील विक्रमी ५२ वे अर्धशतक झळकावताना लोकेश राहुलसोबत पाचव्या विकेटसाठी ७४ चेंडूत ७६ धावांची भागीदारी केली. विराट कोहली १३५ धावा करून तंबूत परल्यावर लोकेश राहुलनंही अर्धशतक झळकावले. त्याने ५६ चेंडूत २ चौकार आणि ३ षटकारांच्या मदतीने ६० धावांची खेळी केली. अखेरच्या षटकात जड्डूं २० चेंडूत ३२ धावा केल्या. त्यामुळे भारतीय संघाने निर्धारित ५० षटकात ८ विकेट्सच्या मोबदल्यात २४९ धावांपर्यंत मजल मारली. रांचीच्या मैदानात फलंदाजीवेळी अनुभवी गड्यांचा खास शो पाहायला मिळाला. 

English
हिंदी सारांश
Web Title : IND vs SA: Kohli, Rohit, Rahul shine; India sets 350 target.

Web Summary : Kohli's century, Rohit's support, and Rahul's class propelled India to 350 against South Africa. After an early wicket, Kohli and Rohit forged a century partnership. Rahul's fifty and Jadeja's cameo boosted the score.
टॅग्स :दक्षिण आफ्रिकेचा भारत दौरा २०२५भारत विरुद्ध दक्षिण आफ्रिकाविराट कोहलीरोहित शर्मालोकेश राहुलरवींद्र जडेजा