ठळक मुद्देतीन वन डे, चार कसोटी आणि तीन ट्वेंटी-20 सामन्यांची मालिका
कोरोना व्हायरसच्या संकटात ट्वेंटी-20 वर्ल्ड कप स्पर्धेचं भविष्य टांगणीला लागलेलं असताना क्रिकेट ऑस्ट्रेलियानं बुधवारी भारताविरुद्धच्या कसोटी मालिकेचं वेळापत्रक जाहीर केलं. चार कसोटी सामन्यांच्या मालिकेसाठी टीम इंडिया डिसेंबर महिन्यात ऑस्ट्रेलिया दौऱ्यावर जाणार आहे. भारतानं 2018-19च्या ऑस्ट्रेलिया दौऱ्यात यजमानांना पराभूत करून इतिहास रचला होता. विराट कोहलीच्या नेतृत्वाखाली टीम इंडियान ती मालिका 2-1 अशी जिंकली होती. त्याचा वचपा काढण्याचा ऑस्ट्रेलियाचा प्रयत्न असणार आहे.
क्रिकेट ऑस्ट्रेलियानं जाहीर केलेल्या वेळापत्रकानुसार 3 डिसेंबरला पहिला कसोटी सामना ब्रिस्बेन येथे होणार आहे. त्यानंतर 11 डिसेंबरला अॅडिलेड येथे दुसरा, 26 डिसेंबरला मेलबर्न येथे तिसरा आणि 3 जानेवारी 2021मध्ये सिडनी येथे चौथा कसोटी सामना खेळवण्यात येणार आहे. ऑस्ट्रेलियाच्या समर क्रिकेटची सुरुवात अफगाणिस्तानविरुद्धच्या डे-नाईट कसोटीनं होणार आहे. 21 नोव्हेंबरला वाका येथे ही कसोटी खेळवण्यात येईल.
चार कसोटी सामन्यांसह टीम इंडिया येथे तीन वन डे व तीन ट्वेंटी-20 सामन्यांची मालिकाही खेळणार आहे. ट्वेंटी-20 सामन्यांनी या दौऱ्याची सुरुवात होणार आहे, त्यानंतर कसोटी आणि मग वन डे मालिका होईल. कसोटी मालिकेचं वेळापत्रक क्रिकेट ऑस्ट्रेलियाकडून जाहीर केले गेले आहे, परंतु ट्वेंटी-20 आणि वन डे चं वेळापत्रक अधिकृतरित्या जाहीर करण्यात आलेलं नाही. ऑस्ट्रेलियन मीडियानं त्या तारखा जाहीर केल्या आहेत. ट्वेंटी-20 मालिकेनंतर ट्वेंटी-20 वर्ल्ड कप खेळवण्यात येणार आहे आणि त्यानंतर ऑस्ट्रेलियाविरुद्धची कसोटी व वन डे मालिका होईल.
पाहा संपूर्ण वेळापत्रक
ट्वेंटी-20 मालिका
11 ऑक्टोबर - ब्रिस्बेन
14 ऑक्टोबर - कॅनबेरा
17 ऑक्टोबर - अॅडलेड
कसोटी मालिका
वि. भारत, गॅबा, 3 ते 7 डिसेंबर
वि. भारत, अॅडलेड, 11 ते 15 डिसेंबर
वि. भारत, मेलबर्न, 26- 30 डिसेंबर
वि. भारत, सिडनी, 3 ते 7 जानेवारी 2021
वन डे मालिका12 जानेवारी 2021 - पर्थ
15 जानेवारी 2021 - मेलबर्न
17 जानेवारी 2021 - सीडनी
अन्य महत्त्वाच्या बातम्या
Bad News : खेळाडूवर कोसळला दुःखाचा डोंगर; एक महिन्याच्या कन्येचं निधन
IPL 2020 न होऊ देण्याचा पाकिस्तानचा घाट; ICCच्या बैठकीपूर्वी खेळला डाव
MS Dhoniची पत्नी भडकली; म्हणाली, लॉकडाऊनमुळे लोकांचं मानसिक स्वास्थ्य बिघडलंय
आयला सचिन... मास्टर ब्लास्टरनं शेअर केला वेस्ट इंडिजच्या दिग्गजाच्या मुलाचा फोटो अन्...
सानिया मिर्झाची 'मन की बात'; शोएबसोबत लग्न करण्यामागचं सांगितलं खरं कारण
Read in English
Web Title: India Tour of Australia 2020-21: Full Schedule, Dates, and Venues svg
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
