IND vs ZIM Abhishek Sharma Record His First Fifty Of ICC T20 World Cup : टी-२० वर्ल्ड कप २०२५ स्पर्धेतील बॅक टू बॅक फ्लॉप शोनंतर अखेर झिम्बाब्वे विरुद्धच्या सामन्यात युवा सलामीवीर अभिषेक शर्माची बॅट तळपली. सेमीफायनलच्या शर्यतीतील टीम इंडियासाठी आपले आव्हान कायम ठेवण्यासाठी महत्त्वपूर्ण असलेल्या लढतीत अभिषेक शर्मानं टी-२० वर्ल्ड कप स्पर्धेतील आपले पहिले अर्धशतक झळकावले. टी-२० कारकिर्दीतील ९ व्या अर्धशतकासाठी अभिषेकनं २६ चेंडूचा सामना केला.
'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!
पहिली वहिली वर्ल्ड कप स्पर्धा खेळणारा अभिषेक शर्मा सुरुवातीच्या टप्प्यात धावांसाठी चांगलाच संघर्ष करताना दिसला. अमेरिका, पाकिस्तान आणि नेदरलँड्स विरुद्धच्या पहिल्या तीन सामन्यात त्याला खातेही उघडता आले नव्हते. सुपर ८ फेरीतील दक्षिण आफ्रिकेविरुद्धच्या सामन्यात त्याने १२ चेंडूत २ चौकार आणि एका षटकाराच्या मदतीने १५ धावा केल्या. पण चांगली सुरुवात मिळाल्यावर तो फसला. पण आता मोक्याच्या क्षणी तो फॉर्ममध्ये परतला आहे.
WI vs SA : जेसन होल्डर-रोमारियो शेफर्डचा धडाकेबाज शो! जोडीनं 'या' विश्वविक्रमाला घातली गवसणी
अभिषेक शर्मा हा पहिल्या चेंडूपासून आक्रमक अंदाजात खेळताना दिसते. पण फॉर्म परत मिळवण्यासाठी त्याने संयमी खेळी करत डाव बहण्याला पसंती दिली. अर्धशतकानंतर तो गियर बदलून आपल्या जुन्या तोरा दाखवून देईल, अशी अपेक्षा होती. पण टिनोटेंडा मापोसाच्या गोलंदाजीवर मोठा फटका मारण्याच्या नादात तो फसला. ३० चेंडूत ३ चौकार आणि ४ षटकाच्या खेळीला ५५ धावांवर ब्रेक लागला. सिकंदर रझाने त्याचा झेल टिपला.
