भारत आणि दक्षिण आफ्रिका यांच्यातील चौथा टी-२० सामना लखनौच्या मैदानात खेळवण्यात येणार आहे. या सामन्याआधी मोठी माहिती समोर येत आहे. टी-२० संघाचा उप कर्णधार शुभमन गिल चौथ्या टी-२० सामन्यातील प्लेइंग इलेव्हनमधून आउट झाला आहे. पायाच्या दुखापतीमुळे त्याला विश्रांती देण्यात आली आहे, अशी माहिती समोर येत आहे. चौथ्या टी-२० सामन्यासाठी नाणेफेक ही साडे सहा वाजता होणं अपेक्षित होते. पण मैदानात धुके असल्यामुळे आयत्या वेळी टॉसचे टायमिंग बदलण्याची वेळ आली. ६ वाजून ५० मिनिटांनी पंच मैदानाची पाहणी करणार आहेत. त्यानंतरच सामना कधी सुरु होणार ते चित्र स्पष्ट होईल.