Vaibhav Sooryavanshi New Record With Most Sixes In U19 ODI : ऑस्ट्रेलिया दौऱ्यातील दुसऱ्या वनडे सामन्यात वैभव सूर्यवंशीच्या भात्यातून आणखी एक विक्रमी खेळी पाहायला मिळाली. ऑस्ट्रेलिया अंडर १९ संघाविरुद्धच्या सामन्यात भारतीय संघाच्या डावाची सुरुवात करताना वैभव सूर्यवंशीनं ६८ चेंडूत ७० धावांची दमदार खेळी केली. ब्रिस्बेन येथील इयान हीली ओव्हल मैदानातील या खेळीत त्याने ५ चौकार अन् ६ उत्तुंग षटकार मारले. या कामगिरीसह त्याने माजी वर्ल्ड चॅम्पियन कर्णधाराचा विक्रम मोडत नवा विक्रम सेट केला आहे.
'लोकमत'चं WhatsApp चॅनल फॉलो करा!
वैभव सूर्यवंशीनं मोडला वर्ल्ड कप विजेत्या कर्णधाराचा रेकॉर्ड; सेट केला नवा वर्ल्ड रेकॉर्ड
१४ वर्षीय युवा बॅटरनं भारतीय अंडर १९ संघाकडून आतापर्यंत १० वनडे सामने खेळले आहेत. यात त्याच्या भात्यातून ३९ षटकार आले आहेत. याआधी भारतीय अंडर १९ संघाकडून सर्वाधिक षटकार मारण्याचा विक्रम हा उत्मुक्त चंदच्या नावे होते. २०१२ मध्ये त्याच्या नेतृत्वाखालील भारतीय अंडर १९ संघाने वर्ल्ड कप जिंकला होता. त्याचा विक्रम वैभव सूर्यवंशीनं मोडीत काढलाय. U19 मध्ये सर्वाधिक षटकार मारण्याचा वर्ल्ड रेकॉर्ड आता वैभव सूर्यवंशीच्या नावे झाला आहे.
अश्विनची लवकरच क्रिकेटमध्ये नवी इनिंग; आता पाकिस्तानी क्रिकेटरसोबत एकाच संघात खेळणार!
युवा वनडे (U-19 ODI) मध्ये सर्वाधिक षटकार ठोकणारे फलंदाज
| खेळाडू | संघ | कालावधी | सामने | धावा | सर्वोच्च धावसंख्या | सरासरी | शतके | अर्धशतके |
|---|
| वैभव सूर्यवंशी | भारत | २०२४-२०२५ | १० | ५४० | १४३ | ५४ | १ | ३ |
| उन्मुक्त चंद | भारत | २०११-२०१२ | २१ | ११४९ | १२२* | ६७.५८ | ५ | ४ |
| जवाद अबरार | बांगलादेश | २०२४-२०२५ | २४ | ७६९ | १३०* | ३६.६१ | २ | ४ |
| शाहजैब खान | पाकिस्तान | २०२२-२०२४ | २४ | १०९६ | १५९ | ४९.८१ | ३ | ८ |
| तौहीद ह्रदोय | बांगलादेश | २०१७-२०२० | ४७ | १६२२ | १२३* | ४७.७ | ५ | १० |
| यशस्वी जायसवाल | भारत | २०१८-२०२० | ४७ | १३८६ | ११४* | ६९.३ | ३ | १२ |
| अज़ीज़ुल हकीम तमीम | बांगलादेश | २०२४-२०२५ | २४ | ८५३ | १०३ | ४७.३८ | १ | ६ |
| अनामुल हक बिजॉय | बांगलादेश | २००९-२०१२ | ३८ | १३२६ | १२८ | ३५.८३ | ३ | ८ |
| इसहाक मोहम्मद | इंग्लंड | २०२५ | ८ | ३२७ | १०४ | ४६.७१ | १ | १ |
| अविष्का फर्नांडो | श्रीलंका | २०१४-२०१७ | ३९ | १३७९ | १३८ | ४०.५५ | ४ | ४ |
English summary :
Vaibhav Sooryavanshi's explosive batting in the U19 ODI series has shattered records. He surpassed Unmukt Chand's record for most sixes, establishing himself as a dominant force with 39 sixes in 10 matches. His 70-run innings against Australia U19, including six sixes, solidified his position.
Web Title: IND U19 vs AUS U19 Record Breaker Vaibhav Sooryavanshi Smashes Six Sixes Against Australia U19s Registers Youth ODIs Milestone
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
