टीम इंडिया आणि आरसीबीचा माजी कर्णधार विराट कोहली याच्या नावावर नकोसा विक्रम नोंदला गेला. गेल्या शंभर सामन्यांत त्याने शतक ठोकलेले नाही. विराटने १७ कसोटी, २१ वन डे, २५ टी-२० आणि ३७ आयपीएल सामन्यांत शतकी खेळी केलेली नाही.- विराटने अखेरचे वन डे शतक १४ ऑगस्ट २०१९ ला क्वीन्स पार्क येथे वेस्ट इंडिजविरुद्ध, तर कसोटी शतक २२ नोव्हेंबर २०१९ ला ईडन गार्डनवर बांगला देशविरुद्ध साजरे केले.- आयपीएलमध्ये यंदा ७ सामन्यांत त्याच्या केवळ ११९ धावा झाल्या. ४८ ही सर्वोच्च खेळी ठरली. आयपीएलच्या २१४ सामन्यांत सर्वाधिक ६४०२ धावा ठोकण्याचा मानदेखील विराटलाच आहे.
- आंतरराष्ट्रीय सामन्यात २३,६५० धावांसह सर्वाधिक धावा काढण्यात विराट ७ व्या स्थानी आहे. सचिन तेंडुलकर ३४,३५७ धावांसह अव्वलस्थानी विराजमान आहे.