अफगाणिस्तान संघाचा यशस्वी अष्टपैलू खेळाडू मोहम्मद नबीच्या निधनाच्या वार्ता शुक्रवारी दिवसभर सोशल मीडियावर रंगल्या होत्या. नबीचा हार्ट अटॅकनं निधन झाल्याची चर्चा होती. त्यामुळे अफगाणिस्तान क्रिकेटवर मोठी शोककळा पसरले होते आणि चाहत्यांकडून खंत व्यक्त करण्यात येत होते. पण, ही अफवा असून मी पूर्णपणे तंदुरुस्त असल्याचा खुलासा स्वतः नबीनं केला.
अफगाणिस्तान क्रिकेट मंडळानेही नबी राष्ट्रीय संघासोबत काबुल स्टेडियमवर सराव करत असल्याचा फोटो ट्विट करून या अफवांना पूर्णविराम लावला. त्या फोटोत नबीही दिसत आहे. तरीही अफवांचा पेव सुरूच होता.
नबी जगातील विविध ट्वेंटी-20 लीगमध्ये खेळतोय. पाकिस्तान सुपर लीग, बिग बॅश लीग, इंडियन प्रीमिअर लीग, बांगलादेश प्रीमिअर लीग, कॅरेबिनय प्रीमिअर लीगसह अफगाण लीगमध्येही तो विविध संघाचे प्रतिनिधित्व करतो.