Shubman Gill Smashes First Century As Indian Test Captain : इंग्लंड विरुद्धच्या लीड्सच्या कसोटी सामन्यात यशस्वी जैस्वाल पाठोपाठ टीम इंडियाचा नवा कर्णधार शुबमन गिल याच्या भात्यातूनही शतकी खेळी पाहायला मिळाले. शुबमन गिलनं १४ चौकाराच्या मदतीने १४० चेंडूत कसोटी कारकिर्दीतील सहाव्या शतकाला गवसणी घातली. कसोटी संघाचे नेतृत्व करताना पहिल्याच कसोटी सामन्यात त्याने इंग्लडच्या मैदानात आपले पहिले शतक झळकावले आहे. SENA देशांतील ही त्याची ही पहिले शतक ठरले आहे.
'लोकमत'चं WhatsApp चॅनल फॉलो करा!
'सेनापती' झाला अन् SENA देशांतील शतकी दुष्काळ संपला
शुबमन गिल याने क्रिकेटच्या मैदानात खास छाप सोडत अल्पावधित टीम इंडियातील आपले स्थान पक्के केले. क्रिकेटच्या तिन्ही प्रकारात तो टीम इंडियाचा महत्त्वपूर्ण भाग झाला. इंग्लंड दौऱ्याआधी रोहित शर्मा पाठोपाठ विराट कोहलीनं कसोटी क्रिकेटमधून निवृत्ती घेतल्यावर कॅप्टन्सीची माळ त्याच्या गळ्यात पडली. पण एक चिंता ही होती, की इंग्लंडमध्ये त्याला धमक दाखवता आली नव्हती. SENA देशांत म्हणजेच दक्षिण आफ्रिका, इंग्लंड, न्यूझीलंड आणि ऑस्ट्रेलियाच्या मैदानात कसोटीत त्याला छाप सोडता आली नव्हती. इंग्लंड दौऱ्यावर तो टीम इंडियाचा 'सेनापती' झाला अन् इंग्लंड विरुद्धच्या हेडिंग्ले कसोटीत शतकी खेळीसह त्याने SENA देशांत शतकी खेळीचा रिकामा रकाना पहिल्याच डावात भरला.
ENG vs IND : "मेरी आदत है..." बॅटिंगवेळी यशस्वी जैस्वाल कॅप्टन गिलला असं का म्हणाला? व्हिडिओ व्हायरल