वेस्ट इंडिजचा यष्टिरक्षक-फलंदाज डेव्हॉन थॉमस ( Devon Thomas ) याच्यावर लाचलुचपत प्रतिबंधक संहितेअंतर्गत पाच वर्षांची बंदी घालण्यात आली आहे. श्रीलंका क्रिकेट (SLC), अमिराती क्रिकेट बोर्ड ( ECB) आणि कॅरिबियन प्रीमियर लीग (CPL) च्या भ्रष्टाचारविरोधी संहितेच्या सात प्रकरणांचे उल्लंघन केल्याचे मान्य केल्यामुळे वेस्ट इंडिजच्या थॉमसवर आंतरराष्ट्रीय क्रिकेट परिषदेने (ICC) सर्व क्रिकेटमधून पाच वर्षांची बंदी घातली गेली आहे. त्याने विंडीजकडून १ कसोटी, २१ वन डे व १२ ट्वेंटी-२० सामने खेळले आहेत.
आयसीसीने संबंधित संहिता अंतर्गत नियुक्त भ्रष्टाचार विरोधी अधिकारी म्हणून त्याच्या क्षमतेनुसार अपात्रतेचा कालावधी घोषित केला. अपात्रतेचा कालावधी हा मागील १८ महिन्यांपासून सुरू केला जाईल असा निर्णय दिला. थॉमसने हे आरोप मान्य केले आणि लाचलुचपत प्रतिबंधक न्यायाधिकरणाच्या सुनावणीदरम्यान ICCच्या निर्णयावर सहमती दर्शविली.
ॲलेक्स मार्शल, ICC महाव्यवस्थापक ( इंटिग्रिटी युनिट) म्हणाले की, “आंतरराष्ट्रीय आणि व्यावसायिक दोन्ही देशांतर्गत/फ्रँचायझी क्रिकेट खेळल्यामुळे, डेव्हॉनने भ्रष्टाचारविरोधी अनेक शैक्षणिक सत्रांना हजेरी लावली. त्यामुळे भ्रष्टाचार विरोधी संहिता अंतर्गत त्याच्या जबाबदाऱ्या काय आहेत हे त्याला माहीत होते,परंतु तीन वेगवेगळ्या फ्रँचायझी लीगमध्ये या जबाबदाऱ्या पूर्ण करण्यात तो अयशस्वी ठरला. ही बंदी योग्य आहे आणि खेळाडूंना आणि भ्रष्टाचाऱ्यांना एक मजबूत संदेश द्यायला हवा की आमच्या खेळाला भ्रष्ट करण्याचा प्रयत्न करणाऱ्यांचा कठोरपणे सामना केला जाईल.
Web Title: Devon Thomas has been banned from all forms of cricket for five years for breaching seven counts of the anti-corruption codes of Sri Lanka Cricket (SLC), the Emirates Cricket Board (ECB) and the Caribbean Premier League (CPL).
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
