CPL 2020 : झेल पकडण्यासाठी दोन खेळाडू एकमेकांवर आदळले अन् पुढे जे झाले ते पाहाच...

CPL 2020 : कॅरेबियन प्रीमिअर लीगच्या ( CPL 2020) आजच्या सामन्यात रोस्टन चेसच्या फटकेबाजीनं क्रिकेट चाहत्यांची वाहवाह मिळवली, पण...

By ऑनलाइन लोकमत | Published: August 19, 2020 10:01 PM2020-08-19T22:01:38+5:302020-08-19T22:02:06+5:30

Join us

CPL 2020 : झेल पकडण्यासाठी दोन खेळाडू एकमेकांवर आदळले अन् पुढे जे झाले ते पाहाच...

Join us

कॅरेबियन प्रीमिअर लीगच्या ( CPL 2020) आजच्या सामन्यात रोस्टन चेसच्या फटकेबाजीनं क्रिकेट चाहत्यांची वाहवाह मिळवली. सेंट ल्युसीआ झौक्स आणि जमैकन थलाव्हास संघामध्ये आजचा सामना सुरू आहे. प्रथम फलंदाजी करणाऱ्या झौक्स संघानं 7 बाद 158 धावांचे आव्हान आंद्रे रसेलच्या थलाव्हास संघासमोर उभे केले. पण, या सामन्यात थलाव्हासचा कर्णधार रोव्हमन पॉवेल आणि पेर्मोल यांच्यात झेल घेण्यासाठी झालेली टक्कर चर्चेचा विषय बनली.

Sushant Singh Rajput : "तुझ्या जाण्याचं दुःख अजूनही कायम आहे, परंतु सत्याचा विजय होईल!"

At the innings break the Zouks post a total of 158/7 can the Tallawahs chase this down??? #CPL20 #JTvSLZ #CricketPlayedLouder pic.twitter.com/vsK3q3ug6V
— CPL T20 (@CPL) August 19, 2020

प्रथम फलंदाजी करताना राखहीम कोर्नवॉलनं दोन खणखणीत चौकार मारून सुरुवात केली, परंतु दुसऱ्याच षटकात तो बाद झाला. त्यानंतर आंद्रे फ्लेचर ( 22) आणि मार्क डेयल (17) यांनी थोडं योगदान दिलं. रोस्टन चेस एका बाजूनं खिंड लढवत होता. नजिबुल्लाह झाद्राननं ( 25) त्याला साथ लाभली, परंतु त्याला मोठ्या खेळीत रुपांतर करता आले नाही. चेसनं एक बाजू लावून धरताना 42 चेंडूंत 4 चौकार व 2 षटकार खेचून 52 धावा केल्या. ट्वेंटी-20 क्रिकेटमधील त्याचे हे पहिलेच अर्धशतक ठरले.

झाद्रान आणि चेस यांनी चौथ्या विकेटसाठी अर्धशतकी भागीदारी केली. नेपाळचा फिरकीपटू संदीप लामिचानेच्या गोलंदाजीवर झाद्राननं दमदार फटका मारला. सीमारेषेजवळ तो टिपण्यासाठी पॉवेल तयारीत होताच, पण त्याचवेळी पेर्मोल ने उडी घेतली आणि त्यानंतर जे घडलं ते पाहा...

पाहा व्हिडीओ...