कॅरेबियन प्रीमिअर लीगमध्ये ( CPL 2020) आतापर्यंत अपराजित राहिलेल्या त्रिनबागो नाइट रायडर्स संघानं मंगळवारी जमैका थलाव्हास संघाविरुद्ध दमदार खेळ केला. इंडियन प्रीमिअर लीगच्या ( आयपीएल) लिलावात अनसोल्ड राहिलेल्या कॉलीन मुन्रोनं आज फटकेबाजी करताना नाइट रायडर्सला 4 बाद 184 धावांपर्यंत मजल मारून दिली. लेंडल सिमन्स आणि सुनील नरीन या सलामीवीरांना मोठी खेळी खेळण्यात अपयश आल्यानंतर कॉलीन मुन्रोनं फटकेबाजी केली. कर्णधार किरॉन पोलार्डनंही त्याला साजेशी साथ दिली.
प्रथम फलंदाजीला आलेल्या सिमन्स आणि नरीन यांना पहिल्या विकेटसाठी 32 धावा जोडता आल्या. नरीन 11 चेंडूंत 5 चौकार व 1 षटकार खेचून 29 धावांत माघारी परतला. त्यानंतर सिमन्स आणि मुन्रो यांनी संघाची धुरा सांभाळली, परंतु संदीप लामिछानेनं ही जोडी फोडली. सिमन्स 25 धावांवर बाद झाला. टीम सेईफर्ट ( 18) लगेच बाद झाला. पण, मुन्रो आणि पोलार्ड यांनी अखेरपर्यंत खिंड लढवली. मुन्रोनं 54 चेंडूंत 10 चौकार व 1 षटकारांसह 65 धावा केल्या, तर पोलार्डनं 16 चेंडंत 1 चौकार व 3 षटकार खेचताना नाबाद 33 धावा केल्या.
मुन्रोची आयपीएलमधील कामगिरीमुन्रोनं 2016, 2018 आणि 2019च्या आयपीएलमध्ये सहभाग घेतला. त्यानं कोलकाता नाइट रायडर्स आणि दिल्ली कॅपिटल्सचे प्रतिनिधित्व केलं. 13 सामन्यांत त्याला 14.75 च्या सरासरीनं 117 धावा करता आल्या.