PAK vs SL War of Celebration Between Wanindu Hasaranga And Abrar Ahmed : आशिया चषक स्पर्धेतील अबुधाबीच्या मैदानात रंगलेल्या पाकिस्तान आणि श्रीलंका यांच्यातील लढतीत वानिंदु हसरंगा वर्सेस अबरार अहमद यांच्यात एक वेगळा सामना रंगल्याचे पाहायला मिळाले. दोघांमधील सेलिब्रेशनचा खेळ सोशल मीडियावर चर्चेचा विषय ठरत आहे. श्रीलंकेच्या डावात पाकिस्तानचा लेग स्पिनर अबरार अहमद याने हसरंगाचा त्रिफळा उडवला. त्यानंतर या पठ्ठ्यानं हसरंगाची सेलिब्रेशन स्टाईलची कॉपी करत त्याला निरोप दिला. पण हा फक्त ट्रेलर होता.
'लोकमत'चं WhatsApp चॅनल फॉलो करा!
पाक गोलंदाजाने कळ काढली, मग हसरंगानं असा घेतला बदला
१३३ धावांचा बचाव करण्यासाठी मैदानात उतरल्यावर गोलंदाजीला येण्याआधीच श्रीलंकेचा स्टार ऑलराउंडर हसरंगानं पाकिस्तानच्या ताफ्यातील कळ काढणाऱ्या गोलंदाजाचा हिशोब चुकता केला. फखर झमानचा अप्रतिम कॅच घेतल्यावर हसरंगाने पाकच्या ताफ्यातील अबरार प्रमाणेच मान हलवून सेलिब्रेशन करत जशास तसे उत्तर दिले. हे इथंच थांबल नाही. गोलंदाजीला आल्यावर विकेट घेतल्यावरही हसरंगाने पुन्हा अबरारची सेलिब्रेशन स्टाईल मारत त्याला कडक रिप्लाय दिल्याचे पाहायला मिळाले. हसरंगानं व्याजासह परतफेड केल्यावर पाकिस्तानच्या ड्रेसिंग रुममध्ये अबरार अहमदचा चेहरा बघण्याजोगा होता. या सामन्यात हसरंगानं सेलिब्रेनसह सुरु झालेली लढाई जिंकली. पण श्रीलंकेच्या संघाला पराभवाचा सामना करावा लागला.
पाक गोलंदाजानं केली हसरंगाची कॉपी! मग IND vs PAK मॅचचा दाखला देत इरफाननं काढली 'लायकी' (VIDEO)
अबरार अहमद अन् हसरांगाची कामगिरी
श्रीलंकेविरुद्धच्या सामन्यात अबरार अहमद याने हसरंगाच्या रुपात एकमेव विकेट घेतली. पण आपल्या ४ षटकांच्या कोट्यात त्याने फक्त ८ धावा खर्च केल्या. दुसऱऱ्या बाजूला हसरंगाने ४ षटकात २७ धावा खर्च करत सईम अयूब आणि पाकिस्तानी कर्णधार सलमान आगा यांच्या रुपात दोन विकेट्स घेतल्या.
Web Title: Asia Cup 2025 PAK vs SL War of Celebration Wanindu Hasaranga Gives It Back ToAbrar Ahmed After PAK Spinner Imitates Him Watch Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
