Asia Cup 2025 Latest Update: आशिया कप २०२५ स्पर्धा ९ सप्टेंबरपासून युएईमध्ये सुरू होत आहे. अबू धाबीचे शेख झायेद स्टेडियम आणि दुबई आंतरराष्ट्रीय क्रिकेट स्टेडियम आशिया कपचे आयोजन करण्यासाठी सज्ज आहेत. या स्पर्धेसाठी सर्व संघांची घोषणा करण्यात आली आहे आणि वेळापत्रक आधीच जाहीर करण्यात आले आहे. मात्र, स्पर्धा सुरू होण्याच्या काही दिवस आधी एक मोठी अपडेट समोर आली आहे. संयुक्त अरब अमिरातीमधील हवामान लक्षात घेऊन सामन्यांच्या वेळेत बदल करण्यात आले आहेत.
वेळेत बदल...
मीडिया रिपोर्ट्सनुसार, आशिया कप २०२५ चे सामने आता भारतीय वेळेनुसार रात्री ८ वाजता (स्थानिक वेळेनुसार संध्याकाळी ६:३० वाजता) सुरू होतील. पूर्वी हे सामने संध्याकाळी ७:३० वाजता सुरू होणार होते, परंतु संयुक्त अरब अमिराती (यूएई) मधील उष्ण हवामान लक्षात घेऊन हा बदल करण्यात आला आहे. या निर्णयासाठी ब्रॉडकास्टरला विनंती करण्यात आली होती, जी त्यांनी स्वीकारली आहे. युएईमध्ये उष्णता आणि आर्द्रतेची पातळी क्रिकेट सामन्यांसाठी, विशेषतः खेळाडू आणि चाहत्यांसाठी आव्हानात्मक असू शकते. दिवसा तापमान खूप जास्त असते, ज्यामुळे संध्याकाळीही उष्णतेचा प्रभाव कायम राहतो. ही परिस्थिती लक्षात घेता, आयोजकांनी सामन्यांचा वेळ अर्धा तास पुढे वाढवण्याचा निर्णय घेतला आहे. जेणेकरून खेळाडूंना चांगल्या परिस्थितीत खेळण्याची संधी मिळेल आणि चाहत्यांनाही स्टेडियममध्ये आरामदायी अनुभव मिळेल.
भारताचा पहिला सामना १० तारखेला
या स्पर्धेत टीम इंडियाची मोहीम १० सप्टेंबर रोजी सुरू होईल. त्यांचा सामना यूएई संघाशी होईल. त्यानंतर टीम इंडियाला त्यांचा पुढचा सामना पाकिस्तानविरुद्ध खेळायचा आहे, हा सामना १४ सप्टेंबर रोजी होईल. त्यानंतर टीम इंडिया १९ सप्टेंबर रोजी ओमानविरुद्ध ग्रुप स्टेजमधील शेवटचा सामना खेळेल. त्याच वेळी, सुपर-४ सामने २० सप्टेंबरपासून खेळले जातील आणि अंतिम सामना २८ सप्टेंबर रोजी होईल.
Web Title: Asia Cup 2025 latest update timings change for all matches including IND vs PAK
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
