IPL 2021 : RR vs PBKS T20 Live Score Update : पंजाब किंग्सच्या ( Punjab Kings) २२१ धावांचा पाठलाग करताना राजस्थान रॉयल्सला ( Rajasthan Royals) साजेशी सुरुवात करता आली नाही. पण, प्रथमच कर्णधाराच्या भूमिकेत असलेल्या संजू सॅमसननं ( Sanju Samson) तुफान खेळ करताना PKBSच्या मनातील धाकधुक कायम राखली. जोस बटलर व शिवम दुबे यांच्यासोबत संजूनं RRच्या डावाला आकार दिला. रियान परागसह त्यानं १९ चेंडूंत अर्धशतकी भागीदारी केली. संजू सॅमसननं आयपीएलमधील तिसरे शतक पूर्ण केले. त्यानं ५४ चेंडूंत १२ चौकार व ५ षटकारांसह हे शतक पूर्ण केलं. कर्णधार म्हणून पहिल्याच सामन्यात शतक करणारा तो पहिलाच खेळाडू ठरला. राजस्थानला ७ बाद २१७ धावांवर समाधान मानावे लागले.  १२ व ३५ धावांवर असताना संजूला जीवदान मिळाले होते. संजू सॅमसन ६३ चेंडूंत १२ चौकार व ७ षटकारांसह ११९ धावांवर माघारी परतला अन् पंजाबनं ४ धावांनी सामना जिंकला. 

बेन स्टोक्सचा भोपळा अन् संजू सॅमसननं डाव सावरला...
२२२ धावांच्या तगड्या लक्ष्याचा पाठलाग करताना राजस्थान रॉयल्सला ( Rajasthan Royals) अपेक्षित सुरुवात करता आली नाही. मोहम्मद शमीनं टाकलेल्या पहिल्याच षटकाच्या तिसऱ्या चेंडूवर बेन स्टोक्स ( Ben Stokes) यानं मारलेला फटका जागच्या जागी उंच उडाला. तो चेंडू झेलण्यासाठी यष्टिरक्षक लोकेश राहुल, शमी आणि आणखी एक खेळाडू धावला. झेल तू घेतोस की मी, अशीच परिस्थिती निर्माण झाली होती. परंतु, शमीनं तो टिपला अन् स्टोक्सन शून्यावर माघारी परतला. कर्णधार संजू सॅमसन ( Sanju Samson) डाव सावरण्यासाठी प्रयत्न करताना दिसला. जोस बटलरसह त्यानं ४५ धावा जोडल्या. राजस्थाननं पहिल्या १० षटकांत ३ बाद ९५ धावा केल्या. संजूनं ३३ चेंडूंत अर्धशतक पूर्ण केलं. शिवम दुबेची त्याला साथ मिळाली आणि चौथ्या विकेटसाठी दोघांनी अर्धशतकी भागीदारी केली. पण, अर्षदीप सिंगनं ही जोडी तोडली, दुबे २३ धावांवर माघारी परतला. IPL 2021 : RR vs PBKS T20 Live Score Update संजू सॅमसनचे IPLमधील तिसरे शतक, कर्णधार म्हणून पदार्पणाच्या सामन्यात विक्रम 

२४ चेंडूंत ४८ धावा अन् शमीनं सामन्यात आणली चुरस
संजू सॅमसन व रियान पराग यांनी पाचव्या विकेटसाठी २३ चेंडूंत ५२ धावांची भागीदारी करून पंजाबचं टेंशन वाढवलं होतं. RRला विजयासाठी अखेरच्या चार षटकांत ४८ धावांची गरज असताना लोकेश राहुलनं संघातील अनुभवी गोलंदाज मोहम्मद शमीला पाचारण केलं. त्यानं तिसऱ्या चेंडूवर ही जोडी तोडली. पराग ११ चेंडूंत १ चौकार व ३ षटकारांसह २५ धावा केल्या. संजू सॅमसनचा संघर्ष अखेरपर्यंत दिसला. अखेरच्या ६ चेंडूंत १३ धावांची गरज होती अन् पहिल्या दोन चेंडूवर एकच धाव मिळाली. तिसऱ्या चेंडूवरही एकच धाव आली आणि तीन चेंडूंत ११ धावा अशी परिस्थिती निर्माण झाली. संजूनं खणखणीत षटकार खेचून सामन्यातील चुरस कायम राखली. पाचव्या चेंडूवर संजूनं एक धाव न घेतल्यानं १ चेंडू ५ धावांची RRला गरज होती. संजूची अखेरच्या चेंडूवर विकेट पडली अन् पंजाबनं ४ धावांनी सामना जिंकला.  झेल तू घेतोस की मी?; कॅच पकडण्यासाठी तिघे धावले अन्..., Video

१३ षटकार अन् १८ चौकारांची आतषबाजी...
दीपक हुडा ( Deepak Hooda), लोकेश राहुल ( KL Rahul) आणि ख्रिस गेल ( Chris Gayle) या त्रिकुटानं राजस्थान रॉयल्सच्या ( Rajasthan Royals) गोलंदाजांच्या चिंधड्या उडवल्या. दीपक हुडा व लोकेश राहुल या जोडीनं ४७ चेंडूंत १०५ धावांची भागीदारी करताना पंजाब किंग्सला ( Punjab Kings) दोनशेपार धावा करून दिल्या. लोकेश राहुल ५० चेंडूंत ७ चौकार व ५ षटकारांसह  ९१ धावांवर माघारी परतला. RRच्या चेतन सकारियानं ३१ धावांत ३ विकेट्स अन् एक अफलातून झेल घेत आपली छाप सोडली. लोकेश राहुलला दोन जीवदान मिळाले आणि त्याचाच फटका RRला बसला. ipl 2021  t20 RR vs PBKS live match score updates Mumbai

ख्रिस गेलचा ३५०वा षटकार...
४१ वर्षीय ख्रिस गेलनं आजच्या सामन्यात ३५०वा षटकार खेचून आयपीएलमध्ये मोठा विक्रम नावावर केला. २८ चेंडूंत ४ चौकार व २ षटकारांसह ४० धावा करणाऱ्या गेलचा झेल बेन स्टोक्सनं टिपला.  दीपक हुडानं  २८ चेंडूंत ६४ धावा कुटल्या. त्यापैकी ५२ धावा या केवळ चौकार व षटकारानं आल्या ( ४ चौकार व ६ षटकार). पंजाब किंग्सनं २० षटकांत ६ बाद २२१ धावांचा डोंगर उभा केला. IPL 2021 : RR vs PBKS T20 Live Score Update

English summary :
Feel for Sanju Samson, tried so so hard and played one of the greatest knock in IPL history but lost the match by 4 runs - Samson scored 119 runs from just 63 balls including 12 fours and 7 sixes while chasing 222 runs

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: IPL 2021: RR vs PBKS T20 Live: SSamson is caught off the final ball of the game and Punjab Kings win by four runs

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.