...त्यापेक्षा हे दूध भुकेल्या मुलांना द्या; भारतीय क्रिकेटपटूचा 'स्वाभिमानी शेतकऱ्यां'ना सल्ला

दूध दरवाढीच्या मागणीसाठी स्वाभिमानी शेतकरी संघटनेने मंगळवारी ‘दूध बंद’ आंदोलनाची हाक दिली आहे.

By ऑनलाइन लोकमत | Published: July 21, 2020 04:22 PM2020-07-21T16:22:37+5:302020-07-21T16:23:57+5:30

Join us

...त्यापेक्षा हे दूध भुकेल्या मुलांना द्या; भारतीय क्रिकेटपटूचा 'स्वाभिमानी शेतकऱ्यां'ना सल्ला

Join us

दूध दरवाढीच्या मागणीसाठी स्वाभिमानी शेतकरी संघटनेने मंगळवारी ‘दूध बंद’ आंदोलनाची हाक दिली आहे. या आंदोलनाला सुरुवात झाली असून आज सकाळी स्वाभिनानी शेतकरी संघटनेच्या कार्यकर्त्यांनी पुणे-बंगळुरु महामार्गावरील येल्लूर फाट्याजवळ गोकुळ दूध संघाचा टँकर फोडला. सांगलीपाठोपाठ कोल्हापूर जिल्ह्यातही टँकर फोडाफोडी सुरु केली आहे. येथील बिद्री या ठिकाणी गोकुळचा टँकर फोडला. तर नांदणी येथे भैरवनाथाला दुधाचा अभिषेक घालून स्वाभिनानी शेतकरी संघटनेच्या कार्यकर्त्यांनी आंदोलनाला सुरुवात केली आहे. स्वाभिमानी शेतकरी संघटनेच्या या आंदोलनाबाबत भारताचा माजी क्रिकेटपटूनं परखड मत व्यक्त केलं आहे.

#WATCH Workers of Swabhimani Shetkari Sangathna spill milk on the streets of Kolhapur as a mark of protest. The organisation is demanding Rs 25 per litre as the minimum rate of cow milk, among others. #Maharashtra pic.twitter.com/BDMJSLfRtg
— ANI (@ANI) July 21, 2020

घसरलेल्या दूध दरप्रश्नी चर्चा करण्यासाठी मंगळवारी दुग्ध व्यवसाय विकास मंत्री सुनील केदार यांच्या अध्यक्षतेखाली मंत्रालयात बैठक आयोजित करण्यात आली आहे. ‘कोरोना’मुळे चार महिन्यांपासून दूध व दुग्धजन्य पदार्थांची मागणी घटली आहे आणि त्यामुळे दूध संघाने दूध खरेदी दर कमी केले आहेत. दुधाला वाजवी दर मिळत नसल्यामुळे शेतकरी नेते आणि दूध उत्पादक प्रतिलिटर अनुदान द्यावे, अशी मागणी करत आहेत. या विविध समस्यांच्या अनुषंगाने शेतकरी आणि दूध संघाचे प्रश्न समजावून घेवून त्यांच्या प्रश्नांवर चर्चा करण्यासाठी या बैठकीचे आयोजन करण्यात आले आहे.

Maharashtra Animal Husbandry Minister Sunil Kedar holds meeting with Sadabhau Khot, leader of Swabhimani Shetkari Sangathan and other representatives of milk-producing farmers at Mantralaya. https://t.co/0CRvywvolS
— ANI (@ANI) July 21, 2020

भारताचा माजी कसोटीपटू आकाश चोप्रानं ट्विट करून मत व्यक्त केलं की,''तुम्हाला जमेल तोपर्यंत लढा द्या. आंदोलन करा आणि मागणी करा, परंतु अशा प्रकारे दूध वाया घालवू नया. त्यापेक्षा हे दूध उपाशी मुलांना द्या.''