IND vs SL 2nd ODI Int Live Score : श्रीलंकेच्या ९ बाद २७५ धावांचा पाठलाग करताना टीम इंडियाचा निम्मा संघ ११६ धावांवर माघारी परतला आहे. संघातील स्थान टिकवण्यासाठी प्रयत्नशील असलेला मनिष पांडे दुर्दैवीरित्या माघारी परतला, त्यानंतर हार्दिक पांड्याही भोपळा न फोडताच बाद झाला. त्यामुळे टीम इंडियाच्या अडचणी आणखी वाढल्या.
अविष्का फर्नांडो आणि मिनोद भानूका यांनी श्रीलंकेला चांगली सुरुवात करून देताना पहिल्या विकेटसाठी ७७ धावा जोडल्या. युजवेंद्र चहलनं सलग दोन चेंडूंत मिनोद ( ३६) व भानुका राजपक्ष ( ०) यांना बाद केले. अविष्का आणि धनंजया डी सिल्व्हा यांनी लंकेचा डाव सावरला. अविष्कानं ७१ चेंडूंत ४ चौकार व १ षटकारासह अर्धशतक पूर्ण केले अन् भुवनेश्वर कुमारनं ही महत्त्वाची विकेट घेतली. त्यानंतर दीपक चहरनं श्रीलंकेचा सेट फलंदाज धनंजया ( ३२) याला बाद केले. या दोन महत्त्वाच्या विकेट्सनंतर श्रीलंकेच्या धावांचा वेग मंदावला. कर्णधार दासून शनाका ( १६) याला चहलनं बाद केले. चरिथ असलंका आणि चमिका करुणारत्ने या जोडीनं पुन्हा एकदा भारतीय गोलंदाजांचा समाचार घेतला. असलंका ६८ चेंडूंत ६ चौकारांसह ६५ धावांत माघारी परतला. करुणारत्नेनं श्रीलंकेला ५० षटकांत ९ बाद २७५ धावांपर्यंत मजल मारून दिली. करुणारत्ने नाबाद ४४ धावा केल्या. Ind vs SL 2021 2nd ODI, Ind vs SL 2021 Live Score
लक्ष्याचा पाठलाग करताना पृथ्वी शॉ व शिखर धवन यांनी धडाकेबाज सुरुवात केली. पृथ्वीनं श्रीलंकेचा गोलंदाज कसून रजिथाच्या एका षटकात सलग तीन खणखणीत चौकार खेचले. पण, तिसऱ्या षटकाच्या अखेरच्या चेंडूवर फिरकीपटू वनिंदू हसरंगानं त्याचा त्रिफळा उडवला. हसरंगानं टाकलेला चेंडूची उसळी कमी राहिली अन् पृथ्वीचा कट मारण्याचा प्रयत्न चुकला. पृथ्वीला १३ धावांवर माघारी जावं लागलं. इशान किशनही फेल ठरला. रजिथानं टाकलेला बाहेर जाणाऱ्या चेंडूला मारलेला फटका बॅटची कड घेऊन यष्टिंवर आदळली. इशान १ धावेवर बाद झाला. मनिष पांडे व शिखर यांनी सावध खेळ करताना टीम इंडियाची धावसंख्या हलती ठेवली. पण, वनिंदूनं टीम इंडियाला मोठा धक्का दिला, त्यानं धवनला २९ धावांवर पायचीत पकडले. Ind vs SL 2021 Live Updates, IND Vs SL 2021
मनिष पांडे व सूर्यकुमार यादव यांनी झटपट खेळी करताना धावांचा वेग वाढवला. या दोघांनी ३१ चेंडूंत अर्धशतकी भागीदारी केली. मनिष चांगल्या टचमध्ये दिसत होता, परंतु दुर्दैवीरितीनं त्याला माघारी जावं लागलं. शनाकाच्या गोलंदाजीवर सूर्यकुमारनं स्ट्रेट ड्राईव्ह मारला, पण शनाकाच्या हाताला लागून तो नॉन स्ट्रायकर एंडला यष्टींवर आदळला. मनिष क्रिजच्या बाहेर आला होता आणि तिसऱ्या अम्पायरनं त्याला बाद ठरवले. त्याच षटकाच्या पहिल्याच चेंडूवर हार्दिक पांड्याचा रिटर्न कॅच शनाकाकडून सुटला. मनिष ३१ चेंडूंत ३ चौकारांसह ३७ धावांवर बाद झाला. IND VS SL Live ODI Match Today, IND VS SL Live 2nd ODI
Web Title: India vs SL 2nd ODI live Updates Score Today : Manish Pandey unfortunate run out for 37, India 5 down for 116, Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
