Mahindra & Mahindra Q4 Result: देशातील आघाडीची वाहन उत्पादक महिंद्राने आर्थिक वर्ष २०२५-२६ च्या चौथ्या तिमाहीत (Q4) उत्कृष्ट कामगिरी नोंदवली आहे. मजबूत मागणी, विशेषतः SUV आणि ट्रॅक्टर सेगमेंटमधील विक्रीच्या जोरावर कंपनीचा एकत्रित निव्वळ नफा वार्षिक आधारावर ४२% वाढून ₹४,६६८ कोटींवर पोहोचला आहे.
उत्पन्न आणि नफ्यात विक्रमी वाढ
कंपनीचा निव्वळ नफा ₹३,२९५ कोटींवरून वाढून ₹४,६६८ कोटी (४२% वाढ) झाला, तर एकूण महसूल ₹४२,५९९ कोटींवरून वाढून ₹५४,९८२ कोटी (२९% वाढ) वर पोहोचले. यात प्रॉफिट मार्जिन ७.७% वरून वाढून ८.५% वर गेली. कंपनीच्या या कामगिरीत ऑपरेशनल सुधारणा आणि वाढती मागणी यांचा मोठा वाटा आहे.
स्टँडअलोन नफाही अपेक्षेपेक्षा जास्त
मुख्य कंपनीचा नफा तब्बल ५३.३% वाढून ₹३,७३७ कोटी झाला आहे. हा आकडा बाजारातील तज्ज्ञांच्या अंदाजांपेक्षा जास्त असल्याने गुंतवणूकदारांसाठी सकारात्मक संकेत मानला जात आहे.
गुंतवणूकदारांना प्रति शेअर ₹३३ लाभांश
निकाल जाहीर करताना कंपनीच्या संचालक मंडळाने आर्थिक वर्ष २०२५-२६ साठी ₹३३ प्रति शेअर अंतिम लाभांश देण्याची शिफारस केली आहे. भागधारकांची मंजुरी मिळाल्यानंतर ही रक्कम थेट त्यांच्या खात्यात जमा होणार आहे.
कोणत्या सेगमेंटने दिला सर्वाधिक हातभार?
१) ऑटोमोबाइल (SUV) व्यवसाय
महसूल: ₹३४,२९४ कोटी (३२% वाढ)
नफा (PAT): ₹२,५५३ कोटी (४९% वाढ)
विक्री: ३.०७ लाख वाहने
महिंद्राच्या थार, स्कॉर्पिओ आणि XUV सारख्या SUV गाड्यांची वाढती मागणी हा या वाढीमागील प्रमुख घटक ठरला.
२) फार्म इक्विपमेंट (ट्रॅक्टर)
महसूल: ₹१०,०२२ कोटी (२६% वाढ)
विक्री: १.२० लाख ट्रॅक्टर (३६% वाढ)
कृषी क्षेत्रातील मजबूत मागणीमुळे या सेगमेंटनेही उत्कृष्ट कामगिरी केली.
३) सर्व्हिस व्यवसाय
महसूल: ₹१२,१४७ कोटी (२३% वाढ)
नफा: ₹१,३४८ कोटी (६४% वाढ)
(टीप - यामध्ये सामान्य माहिती देण्यात आलेली आहे. हा गुंतवणूकीचा सल्ला नाही. कोणत्याही प्रकारची गुंतवणूक करण्यापूर्वी या क्षेत्रातील जाणकार किंवा तज्ज्ञांचा सल्ला घेणं आवश्यक आहे.)