Ration Card: रेशन कार्डसंबंधी अनेक सेवा मिळतात ऑनलाइन, जाणून घ्या सविस्तर 

Ration Card: आता तुम्ही तुमच्या जवळच्या CSC अर्थात कॉमन सर्व्हिस सेंटरद्वारे रेशन कार्डशी संबंधित अनेक सेवांचा अॅक्सेस करू शकता. डिजिटल इंडियाने एका ट्विटमध्ये यासंदर्भातील सविस्तर माहिती दिली आहे.

नवी दिल्ली : गरीब आणि कमी उत्पन्न गटातील लोकांसाठी रेशन कार्ड सर्वात महत्वाचे दस्तऐवज आहे. दरम्यान, बऱ्याचदा असे होते की, आपल्या रेशन कार्ड मध्ये काही उणीवा असतात किंवा रेशन कार्ड अपडेट करावे लागेल. तसेच, अनेक वेळा रेशन कार्ड हरवल्यास, त्याची डुप्लिकेट कॉपी बनवावी लागते किंवा नवीन रेशन कार्ड आवश्यक असते. (ration card latest news these services related to ration card are available online through csc center)

अशावेळी अनेक समस्यांना तोंड द्यावे लागते. त्यामुळे आता या सर्व समस्यांपासून तुमची सुटका होऊ शकते. कारण सरकारच्या डिजिटल इंडिया मोहिमेअंतर्गत या समस्यांवर उपाय मिळाला आहे. आता तुम्ही तुमच्या जवळच्या CSC अर्थात कॉमन सर्व्हिस सेंटरद्वारे रेशन कार्डशी संबंधित अनेक सेवांचा अॅक्सेस करू शकता. डिजिटल इंडियाने एका ट्विटमध्ये यासंदर्भातील सविस्तर माहिती दिली आहे.

डिजिटल इंडियाकडून माहिती
डिजिटल इंडियाने आपल्या ऑफिशियल ट्विटर अकाउंटवर ही माहिती दिली आहे की, 'कॉमन सर्व्हिस सेंटरने (सीएससी) इलेक्ट्रॉनिक्स आणि माहिती तंत्रज्ञान मंत्रालयाच्या अंतर्गत अन्न आणि सार्वजनिक वितरण विभागासोबत सामंजस्य करार केला आहे. यामुळे देशभरात 3.70 लाख सीएससीद्वारे रेशन कार्ड सेवा उपलब्ध करून दिली जाईल. या भागीदारीमुळे देशभरातील 23.64 कोटीपेक्षा जास्त रेशन कार्ड धारकांना फायदा होण्याची आशा आहे.'

.@CSCegov_, under the @GoI_MeitY has signed a MoU with the @fooddeptgoi to enable ration card services through 3.70 Lakh CSCs across the country. The partnership is expected to benefit over 23.64 crore ration card holders across the country. pic.twitter.com/OIbutQClC3

— Digital India (@_DigitalIndia) September 16, 2021

याअंतर्गत, आता देशभरातील 23.64 कोटीहून अधिक रेशन कार्ड धारक कॉमन सर्व्हिस सेंटरद्वारे रेशन कार्डच्या अनेक सेवांचा लाभ घेऊ शकतात. त्याची संपूर्ण प्रक्रिया जाणून घेऊया.

कोणत्याही नोकरदार व्यक्तीसाठी, त्याच्या भविष्य निर्वाह निधीची रक्कम अर्थात पीएफ सर्वात महत्वाची आहे. ही रक्कम भविष्यातील सुरक्षिततेसाठी सर्वात महत्वाचा निधी आहे. #epfo#providentfundhttps://t.co/7GJ2eA3fuJ

— Lokmat (@MiLOKMAT) September 18, 2021

तुम्हाला 'या' महत्वाच्या सेवा मिळतील
1. रेशन कार्डचे तपशील कॉमन सर्व्हिस सेंटरद्वारे अपडेट केले जाऊ शकतात.
2. आधार सीडिंग देखील येथून करता येते.
3. तुम्ही आपल्या रेशन कार्डची डुप्लिकेट प्रिंट देखील मिळवू शकता.
4.  तुम्ही रेशनच्या उपलब्धतेबद्दल देखील माहिती घेऊ शकता.
5.  तुम्ही कॉमन सर्व्हिस सेंटरद्वारे रेशन कार्डशी संबंधित तक्रारी देखील करू शकता.
6.  रेशन कार्ड हरवल्यास नवीन रेशन कार्डसाठी अर्जही करता येतो.