Rashi Bhavishya News in Marathi, राशि भविष्य बातम्या, राशी भविष्य 2025, Marathi Horoscope, मराठी ज्योतिष, Astrology in Marathi -Lokmat.com

कुंभ अर्थात घडा. घडा म्हटल्यावर तो भरलेला असू शकतो नाहीतर रिकामा किंवा पालथासुद्धा! मात्र ज्योतिष शास्त्राच्या दृष्टीने हा घडा अर्थात कुंभ राशीचा ज्ञानाचा घडा भरलेला असतो. अर्थात या राशीचे लोक अतिशय बुद्धिमान, संवेदनशील असतात. स्मरणशक्ती ही त्यांची जमेची बाजू असते. जुन्यात जुनी गोष्ट त्यांना स्पष्टपणे आठवते. त्यामुळे या लोकांशी वाद घालताना जपूनच शब्द टाकलेला बरा. ते कधी कोणते पुरावे देऊन आपल्याला आश्चर्यचकित करतील हे सांगता येणार नाही. या लोकांना खुबीने आपले काम दुसऱ्यांकडून काढून घेता येते. मात्र त्यांचे वैशिष्ट्य असे की ते कोणालाही न दुखवता आपला स्वार्थ साध्य करतात. हे तंत्र त्यांना अवगत असते. कोणाला दुखावणे, वाईट बोलणे, या गोष्टी त्यांच्या स्वभावात नसतात. हे लोक एवढे संवेदनशील असतात की त्यांना शत्रूचाही कळवळा येतो. त्यांच्याप्रतीदेखील कणव वाटते. त्यांच्याकडून वाईट वागणुकीची शक्यता फार कमी असते. या लोकांचा राग हा मुख्य शत्रू असतो. हे लोक रागाच्या भरात मनातल्या मनात कुढत राहतात. यांना कधी कोणाचा राग येईल सांगता येत नाही. राग व्यक्त करून मोकळे न होता ते स्वतःलाच त्याचा त्रास करून घेतात. अशात त्यांचेच जास्त नुकसान होते. त्यांनी रागावर नियंत्रण मिळवायला शिकले पाहिजे. त्यासाठी ध्यानधारणेचा सराव करावा. यश मिळवण्यासाठी त्यांना आवड असते आणि मेहनतीची तयारीही असते. फक्त रागावर नियंत्रण मिळवले तर ते अपेक्षित यश संपादित करू शकतील. असे म्हणतात की बोलणाऱ्याची मातीही विकली जाते आणि न बोलणाऱ्यांचे सोनेही विकले जात नाही. म्हणून कुंभ राशीच्या जातकांनी आपले ज्ञान बोलून व्यक्त केले पाहिजे. ज्ञानाचे प्रदर्शन नको, परंतु आवश्यक तिथे न बोलल्यामुळे तुमची बाजू कमकुवत आहे असा जगाचा समज होतो. त्यामुळे आवश्यक तिथे मुद्देसूदपणे आपले विषय मांडायला शिका. कुंभ म्हणजे लोक भाग्यवान असतात. जर कुंडलीत ग्रह योग्य स्थितीत असतील तर खूप श्रीमंत होऊ शकतात. असे असूनही या लोकांचा नशिबावर कमी आणि स्वकष्टावर जास्त विश्वास असतो. त्यामुळे या लोकांना भाग्याचा साथीमुळे म्हणा नाहीतर अथक मेहनतीमुळे म्हणा, प्रगती होण्यावाचून कोणीही रोखू शकत नाही. या लोकांचा आळस हा देखील दुसरा शत्रू असतो. आळसामुळे त्यांचे शरीर स्वास्थ्याकडेही दुर्लक्ष होते. स्थूलत्व येते आणि त्यांचे शरीर अनेक आजारांचे माहेर घर होते. म्हणून या लोकांनी मैदानी खेळ, व्यायाम, योगाभ्यास यांची आवड लावून घेतली, तर बुद्धी तल्लख होईलच शिवाय शरीरही चपळ होईल आणि निरोगी राहील.

Astrology Articles

Pisces Characteristics: मीन राशीच्या लोकांची स्वभावातील चंचलता, घालवते आयुष्याची सफलता!

Ganga Dussehra 2022: गंगा दशहराच्या दिवशी जुळून येतोय 'महायोग'; 'या' दोन गोष्टी केल्याने उघडतील नशिबाचे दरवाजे!

Today Daily Horoscope: आजचे राशीभविष्य - ०६ जून २०२२: आज एखादा वाद होऊन आपला अहंकार दुखावण्याची शक्यता; मानसिक चिंताही राहील!

Today Daily Horoscope: आजचे राशीभविष्य - ०५ जून २०२२: नोकरदारांना लाभाच्या संधी मिळतील. वैवाहिक जीवनात सुख - शांती

Magal Dosha: लग्न जुळवताना मंगळ दोष पाहून स्थळ नाकारताय? थांबा आधी ही माहिती वाचा!

Today Daily Horoscope: आजचे राशीभविष्य - ०४ जून २०२२: नशिबाची साथ लाभेल; व्यापारात व नोकरीत आर्थिक लाभाचा दिवस

Today Daily Horoscope: आजचे राशीभविष्य - ०३ जून २०२२: ‘या’ ७ राशींना आर्थिक लाभाचा दिवस; नोकरीत पदोन्नतीचे योग

June Astrology: जून महिन्यात 'या" ४ राशींवर होणार लक्ष्मी मातेची कृपा; अडलेली कामे मार्गी लागणार!

Aquarius Characteristics: एक आळस सोडला, तर कुंभेचा घडा ज्ञानाने, अनुभवाने आणि संवेदनशीलतेने भरलेला असतो!

राशी भविष्य

पंचाग