अमरावतीत भाजपच्या निवडणुकीतील पराभवाचे सखोल विश्लेषण होणार : महसूलमंत्री चंद्रशेखर बावनकुळे

Amravati : बावनकुळे यांनी ५५ प्लसचा नारा दिला होता. प्रत्यक्षात भाजप ४५ हून २५ पर्यंत खाली घसरली.

लोकमत न्यूज नेटवर्क
अमरावती : अमरावती महापालिका निवडणुकीतील पराभवाचे विश्लेषण सखोल करणे आवश्यक असून, पराभूत उमेदवारांकडून प्राप्त झालेल्या तक्रारींची गांभीर्याने दखल घेतली जाईल. यासाठी अमरावती येथे विशेष चौकशी टीम पाठविण्यात येणार असून, कोणी विरोधात काम केले, याची सखोल चौकशी करण्यात येईल. त्यानंतर संपूर्ण परिस्थितीचा अभ्यास करून पुढील निर्णय घेतला जाईल, अशी माहिती महसूलमंत्री तथा अमरावती जिल्ह्याचे पालकमंत्री चंद्रशेखर बावनकुळे यांनी दिली.

नागपूर येथील जिल्हा नियोजन भवनात रविवारी प्रसारमाध्यमांशी संवाद साधताना त्यांनी अमरावतीतील निवडणूक पराभव, महापौरपदाचा कालावधी, युतीचे राजकारण तसेच विरोधकांच्या आरोपांवर स्पष्ट भूमिका मांडली.

अमरावतीमध्ये पराभूत झालेल्या उमेदवारांमध्ये नाराजी असल्याचे सांगत बावनकुळे म्हणाले की, निवडणुकीत नेमके काय घडले, कोणी पक्षविरोधी काम केले का, याची चौकशी केली जाईल. तक्रारी प्राप्त झाल्या पराभूत उमेदवारांकडून असून, त्याची दखल अमरावतीला पाठवली जाणार आहे. घेण्यासाठी विशेष टीम अमरावतीत मित्र पक्षाच्या सहकार्याने महापौर भाजपाच होईल, असे त्यांनी स्पष्ट केले. त्यामुळे भाजपजनांचे त्या टिमकडे लक्ष लागले आहे.