Parbhani Municipal Election Results 2026 Marathi News | परभणी महापालिका निवडणूक निकाल २०२६ मराठी बातम्या | Parbhani Election Results 2026 Latest News & Live Updates in Marathi | Parbhani Election 2026 Winners List | Parbhani Mahanagar Palika Nikal 2026 | परभणी निवडणूक निकाल २०२६

परभणी : शहर महानगरपालिका सार्वत्रिक निवडणूक अंतर्गत शहराच्या सत्तेचा फैसला आज(शुक्रवारी) सकाळी १० वाजेपासून होणार असून, वसंतराव नाईक मराठवाडा कृषी विद्यापीठ परिसरात ६९ टेबलांवर मतमोजणीस सुरुवात होणार आहे. नगरसेवकांसाठी झालेल्या या निवडणुकीत ४११ उमेदवारांचे भवितव्य ईव्हीएममध्ये बंद झाले असून, आज दुपारपर्यंत निकालाचे स्पष्ट चित्र समोर येण्याची शक्यता आहे.परभणी शहर महानगरपालिकेच्या ६५ नगरसेवकांसाठी गुरुवारी ३४१ मतदान केंद्रांवर मतदान शांततेत पार पडले. रात्री उशिरापर्यंत काही प्रभागांमध्ये मतदान केंद्रांवर मतदारांच्या रांगा दिसून आल्या. या मतदानामुळे निकालात चुरशीचे चित्र दिसण्याची शक्यता वर्तवली जात आहे, या निवडणुकीत विविध पक्ष व अपक्ष मिळून ४११ उमेदवार रिंगणात होते. त्यामुळे प्रत्येक प्रभागातील मतमोजणीवर उमेदवारांसह पक्ष पदाधिकारी आणि कार्यकर्त्याचे बारकाईने लक्ष असणार आहे. गुरुवारी रात्री उशिरापर्यंत सर्व ईव्हीएम प्रशासनाच्या वतीने वसंतराव नाईक मराठवाडा कृषी विद्यापीठातील स्ट्रॉग रूममध्ये जमा करून सील करण्यात आल्या असून, या ठिकाणी चोख पोलिस बंदोबस्त तैनात करण्यात आला आहे. या मतमोजणीसाठी प्रशासनाने तयारी केली असून, एकूण ६९ टेबलांवर २७६ अधिकारी व कर्मचारी नियुक्त करण्यात आले आहेत. रात्री उशिरापर्यंत स्ट्रॉग रुममध्ये ईव्हीएम मशीन दाखल करण्याची प्रक्रिया सुरू होती.मतमोजणीची प्रक्रिया ५ ते ७फेऱ्यांमध्ये पार पडणार असून, प्रत्येक फेरीनंतर आकडेवारीची अधिकृत नोंद घेण्यात येणार आहे. ईव्हीएममधील मतांची मोजणी करताना निवडणूक आयोगाच्या मार्गदर्शक सूचनांचे काटेकोर पालन केले जाणार असल्याची माहिती प्रशासनाने दिली.प्रत्येक फेरीअंती अधिकृत आकडे होणार जाहीरमतमोजणीदरम्यान स्ट्रांग रूम उघडण्यापासून ते अंतिम निकाल जाहीर होईपर्यंत निरीक्षक, निवडणूक अधिकारी, पोलिस प्रशासन व उमेदवारांचे प्रतिनिधी उपस्थित राहणार आहेत. निकाल जाहीर करताना प्रत्येक फेरीअंती अधिकृत आकडे जाहीर करण्यात येणार असल्याची माहिती निवडणूक प्रशासनाने बुधवारी दिली.कोणाचा झेंडा फडकणार ...शुक्रवारी दुपारपर्यंत परभणी शहर महानगरपालिकेवर कोणाचा झेंडा फडकणार आणि कोणत्या पक्षाला विरोधी बाकांवर बसावे लागणार, याचे स्पष्ट चित्र समोर येण्याची शक्यता आहे. निकालाकडे शहरासह जिल्ह्याचे लक्ष लागले असून, राजकीय हालचालींना वेग आला आहे.अतिरिक्त पोलिस बंदोबस्त तैनातमतमोजणी प्रक्रियेमुळे शुक्रवारी शहरातील काही भागात वाहतूक निर्बंध लागू करण्यात आले असून, कायदा व सुव्यवस्था अबाधित राहावी, यासाठी अतिरिक्त पोलिस बंदोबस्त ठेवण्यात आला आहे. मतमोजणीदरम्यान कोणताही अनुचित प्रकार घडू नये, यासाठी नियंत्रण कक्षही कार्यान्वित करण्यात आला आहे.

Parbhani Municipal Election Results 2025 | परभणी महानगरपालिका निवडणूक निकाल २०२६, मराठी बातम्याFOLLOW

Parbhani municipal corporation election, Latest Marathi News

महाराष्ट्र :अवघ्या एका मताने फैसला, ठाकरेंच्या उमेदवाराने भाजपाला दिली मात, येथे झाली रोमांचक लढत

परभणी :परभणीत उद्धवसेनेच्या 'संजूभाऊ-राहुल पाटील' जोडीची जादू! भाजप-राष्ट्रवादीला मोठा दणका

परभणीत ३७ जागांसह उद्धवसेना-काँग्रेसचे वर्चस्व ...

छत्रपती संभाजीनगर :मराठवाड्यातील ५ महानगरपालिकेत मोठा उलटफेर; भाजप सुसाट, कॉँग्रेस-उद्धवसेनेने गड राखले

छत्रपती संभाजीनगरात उद्धवसेनेची धुळधाण; नांदेडमध्ये कमळ फुलले, ‘हाता’तून गेली सत्ता ...

महाराष्ट्र :महानगरपालिका निवडणुकीत उद्धव सेनेला फक्त दोनच ठिकाणी गाठता आला 'डबल डिजिट'! बघा आतापर्यंतची आकडेवारी

...मात्र मनसेसोबत युती करूनही उद्धव सेनेला केवळ २ महानगर पालिकांमध्येच डबल डिजिट गाठता आले. ...

परभणी :BMC हातून गेली, पण PMC मिळवली; परभणी मनपावर उद्धवसेना-काँग्रेस आघाडीचा कब्जा

राष्ट्रवादीचे जनमत घसरले; भाजप १२ जागांवर आडले ...

परभणी :पहिल्या कलांमध्ये उद्धव सेनेकडून जल्लोष, उद्धव सेनेचे उमेदवार आघाडीवर

प्रभाग १४ मध्ये काँग्रेसची आघाडी ...

परभणी :मतमोजणी कक्षात पत्रकारांना जाण्यास बंदी; निवडणूक निरीक्षक मेघना कावली यांचे निर्देश

तीन ठिकाणी विविध प्रभागांची ही मतमोजणी सुरू आहे. ...

परभणी :परभणी महापालिका: ६९ टेबलवर मतमोजणी; दुपारपर्यंत सत्तेचे चित्र होणार स्पष्ट

नगरसेवकांच्या ६५ जागांसाठी झाले मतदान... ...