Mumbai North East Lok Sabha Election Results 2024 | Lok Sabha Election Result 2024 | Mumbai North East Live Results & Winner | मुंबई उत्तर पूर्व लोकसभा निवडणूक २०२४ |Lokmat.com

जयंत होवाळ, लोकमत न्यूज नेटवर्क, मुंबई : उत्तर-पूर्व मतदारसंघात महाविकास आघाडीचे संजय पाटील आणि महायुतीचे मिहीर कोटेचा अशी थेट लढत होत आहे. २०१४ आणि २०१९ सालापासून हा मतदारसंघ भाजपने ताब्यात ठेवला आहे. तिसऱ्यांदा मतदारसंघ ताब्यात ठेवण्याचे कडवे आव्हान यावेळी भाजपपुढे आहे.मराठी-गुजराती वाद, धारावीतील प्रकल्पग्रस्तांचे मुलुंडमध्ये होणारे पुनर्वसन, कांजूर डम्पिंग ग्राउंडचा प्रश्न असे मुद्दे प्रचारात असले तरी मराठी-गुजराती वादाची किनार निश्चित आहे. या मतदारसंघातील मराठी भाषकांची संख्या, विक्रोळी, मानखुर्द-शिवाजी नगर भागातील मुस्लिम मतदारांची संख्या, उद्धव सेनेला मोठ्या प्रमाणावर मानणारे मतदार, शिंदेसेना व अजित पवार गटाचे नगण्य अस्तित्व, राष्ट्रवादी शरद पवार गट, काँग्रेसची ताकद असे भक्कम पाठबळ महाविकास आघाडीला आहे. त्यामुळे हा मतदारसंघ राखण्याचे आव्हान महायुतीपुढे आहे. मुंबईतील केवळ याच मतदारसंघात पंतप्रधान मोदी यांचा रोड शो झाला हे विशेष. या मतदारसंघात मागील वर्षापासून गुजराती-मराठी असा वाद सुरू आहे. घाटकोपरमध्ये गुजराती भाषेतून झळकलेले नामफलक, मुलुंडमध्ये मराठी महिलेला घर नाकारणे या घटनांमुळे हा वाद धुमसत आहे. दोन्ही उमेदवार असा वाद नसल्याचे सांगत असले तरी वस्तुस्थिती तशी नाही. मिहीर कोटेचा पदयात्रा सुरू असताना वडापाव खा, मिसळ खा, या माध्यमातून वाद शमविण्याचा प्रयत्न करीत आहेत. अंतर्गत धुसफुसविद्यमान खासदार मनोज कोटक यांचे तिकीट कापल्यामुळे कोटक नाराज आहेत. त्यामुळे त्यांची व कार्यकर्त्यांची नाराजी कोटेचा यांना दूर करावी लागत आहे. मतदारसंघातून उमेदवारी मिळावी, असा शरद पवार गटाच्या काही पदाधिकाऱ्यांचा आग्रह होता. मात्र, उद्धव सेनेकडे मतदारसंघ गेल्याने शरद पवार गटात नाराजी होती. निवडणुकीतील कळीचे मुद्देउद्धव ठाकरे यांच्या शिवसेनेशी फारकत घेतल्याने मतांचा खड्डा भरून काढण्याचे मोठे आव्हान भाजपपुढे आहे. मानखुर्द - शिवाजीनगर येथील सुमारे तीन लाख मते महत्त्वाची ठरणार आहेत. मुलुंड आणि घाटकोपरचा काही भाग गुजरातीबहुल तर विक्रोळी, भांडुप, कांजूरमार्ग, घाटकोपर आणि मुलुंडच्या काही भागात मराठी प्राबल्य आहे.२०१९ मध्ये काय घडले ?उमेदवार पक्ष प्राप्त मतेमनोज कोटक भाजप ५,१४,५९९ संजय पाटील राष्ट्रवादी २,८८,११३नोटा - १२,४६६ २०१९ पूर्वीच्या निवडणुकीत कोणाची बाजी ?वर्ष विजयी उमेदवार पक्ष मते टक्के२०१४ किरीट सोमय्या भाजप ५,२५,२८५ ६०.९५ २००९ संजय पाटील राष्ट्रवादी २,१३,५०५ ३१.९७२००४ गुरुदास कामत काँग्रेस ४,९३,४२० ५३.३०१९९९ किरीट सोमय्या भाजप ४,००,४३६ ४३.०८

Mumbai North East Constituency

लोकसभा निवडणूक 2024 निकाल

लोकसभा चुनाव 2024 परिणाम

Lok Sabha Election 2024 Results

Key Candidates - Mumbai North-East

News Mumbai North East

मुंबई :घाटकोपरमधील मताधिक्य संजय दिना पाटील यांच्यासाठी ठरले बोनस

Maharashtra Lok Sabha Election Result 2024: उत्तर पूर्व लोकसभा मतदारसंघात भाजपला धक्का ...

मुंबई :दबाव आणला गेला, काहींना मारहाणही केली, अखेर सत्याचाच विजय झाला : संजय पाटील

Maharashtra Lok Sabha election results 2024: जातीचे राजकारण चालत नाही, हेच मतदारांनी दाखवून दिले आहे, असे संजय दिना पाटील म्हणाले. ...

मुंबई :तुमच्या मतदानातून भुरट्याला त्याची जागा दाखवून द्या; मिहिर कोटेचा यांचा निशाणा

ईशान्य मुंबई लोकसभा मतदारसंघात ठाकरे गट विरुद्ध भाजपा असा सामना रंगला आहे. ...

मुंबई :मिहिर कोटेचा यांच्या कार्यालयातून १.६४ लाख रुपये जप्त; ठाकरे गटाच्या कार्यकर्त्याविरुद्ध गुन्हा

मुंबई :नरेंद्र मोदींच्या 'रोड शो' साठी मुंबई महापालिकेचा पैसा वापरला; संजय राऊतांचा आरोप

महाराष्ट्र :तिकडे मोदींची सभा, इकडे ठाकरे गटाचा मिहीर कोटेचांच्या कार्यालयात जोरदार राडा

मुंबई :हे बळी नव्हे तर खून...! घाटकोपर दुर्घटनेवरून देवेंद्र फडणवीसांचा उद्धव ठाकरेंवर घणाघात

मुंबई :भाजपची हॅट्ट्रिक की यंदा चकवा? तिसऱ्यांदा मतदारसंघ ताब्यात ठेवण्याचे कडवे आव्हान

तिसऱ्यांदा मतदारसंघ ताब्यात ठेवण्याचे कडवे आव्हान यावेळी भाजपपुढे आहे. ...