दहशतवाद्यांनाच दहशत कळते; केसरकर यांचा नारायण राणेंना टोला

लोकसभा निवडणुकीच्या पार्श्वभूमीवर कणकवली येथील एका हॉटेलमधून छोटा राजनच्या हस्तकाला सिंधुदुर्ग पोलिसांनी काल ताब्यात घेतले.

सावंतवाडी : माझ्या व्यासपीठावर कोण बसले हे मला माहीत नाही. त्याची चौकशी केली जाईल. पण वाल्याचा वाल्मीकी झालेल्यांनी माझ्यावर टीका करावी हे हस्यास्पद आहे, असा टोला सिंधुदूर्ग जिल्ह्याचे पालकमंत्री दीपक केसरकर यांनी माजी मुख्यमंत्री नारायण राणेंना लगावला. 

लोकसभा निवडणुकीच्या पार्श्वभूमीवर कणकवली येथील एका हॉटेलमधून छोटा राजनच्या हस्तकाला सिंधुदुर्ग पोलिसांनी काल ताब्यात घेतले. ही कारवाई लोकसभा निवडणुकीच्या पार्श्वभूमीवर सिंधुदुर्ग पोलिसांनी केली. निलेश उर्फ पटल्या पराडकर असे त्याचे नाव आहे. तो कणकवलीतील एका हॉटेलमध्ये लपून बसला होता अशी माहिती पोलिसांनी दिली. 

निलेश पराडकर हा कुख्यात गॅंगस्टर सिंधुदुर्गात शिवसेनेच्या प्रचारात राजरोस फिरत होता. मुंबई पोलिसांच्या रेकॉर्डवर फरार असलेला गुंड पराडकर विनायक राऊत आणि गृहराज्यमंत्री केसरकर यांच्यासोबत शिवसेनेच्या प्रचारसभांमध्ये मांडीला मांडी लावून बसत होता. हा फरार गुंड सिंधुदुर्गत वावरत असल्याची माहिती सिंधुदुर्ग जिल्हा पोलिस अधीक्षकांना मिळताच त्यांनी आज रात्री ९ वाजता सापळा रचून कणकवलीतील एका हॉटेलमधून त्याच्या मुसक्या आवळल्या. पराडकरच्या नावावर खून, खुनाचे प्रयत्न, धमकी, खंडणी, अपहरण, विनयभंग असे गंभीर गुन्हे दाखल आहेत.

आता कुठे गेला दहशतवाद.. सेनेच्या प्रचारात आणि आमदाराच्या भावाच्या होटल मध्ये गँगस्टर !!
मग शांत कोकण बोलणारे..
आमच्यावर दहशतवाद आरोप करणारे..
आता कुठे गेले नामदार केसरकर आणि त्यांचे पक्षप्रमुख !!
स्वतःचे ठेवायचे झाकून .. दुसऱ्याचे बघायचे वाकून..!

— nitesh rane (@NiteshNRane) April 22, 2019

पराडकरच्या अटकेनंतर नारायण राणे, निलेश आणि नितेश राणे यांनी केसरकर आणि आमदार वैभव नाईक यांच्यावर टीका केली होती. वैभव नाईक हे अर्ध्यातासात कणकवली पोलिस ठाण्यात पोहोचल्याचा आरोप केला होता. तर नितेश राणे यांनी केसरकर हे त्याच्यासोबत व्यासपीठावर असल्याचा आरोप नितेश राणे यांनी केला होता. यावर केसरकर यांनी उत्तर दिले आहे. 

छोटा राजनचा राईट हँड,कुख्यात गुंड निलेश पराडकर आढळून आला होता शिवसेनेच्या प्रचारात
गृहराज्यमंत्री दीपक केसरकर, खासदार विनायक राऊत यांच्या मांडीला मांडी लावून व्यासपीठावर
कणकवलीत आमदार वैभव नाईक यांच्या घराशेजारील हॉटेल तिरफळ मध्ये असल्याचे समजताच पोलिसांनी टाकली रेड pic.twitter.com/fHIjEvtJhq

— nitesh rane (@NiteshNRane) April 22, 2019