Sangli ZP Election Voting 2026: तासगाव तालुक्यात दुपारी १:३० वाजेपर्यंत ३४.६२ टक्के मतदान

तासगाव: सांगली जिल्हा परिषद आणि पंचायत समितीच्या सार्वत्रिक निवडणुकीसाठी आज सकाळी ७:३० वाजल्यापासून सुरुवात झाली. तासगाव तालुक्यात मतदानाची प्रक्रिया शांततेत सुरू आहे. सकाळी ७:३० ते दुपारी १:३० या सहा तासांत तालुक्यात ३४.६२% इतके मतदान झाले आहे.

मिळालेल्या अधिकृत आकडेवारीनुसार, तासगाव तालुक्यातील १२ जिल्हा परिषद निवडणूक विभाग आणि ६ पंचायत समिती गणांसाठी मतदान होत आहे. तालुक्यात एकूण १,८९,६१४ मतदार आहेत, ज्यामध्ये ९६,६२१ पुरुष आणि ९२,९८८ महिला मतदारांचा समावेश आहे. दुपारी १:३० वाजेपर्यंत एकूण ६५,६४६ मतदारांनी आपला हक्क बजावला आहे. मतदानामध्ये ३६,२५२ पुरुष तर २९,३९३ महिलांनी सहभाग घेतला आहे.

सकाळच्या वेळी मतदानाचा वेग काहीसा मंद होता, मात्र दुपारी ११ नंतर मतदारांच्या रांगा वाढू लागल्याचे दिसून आले.

वेळ - मतदानाची टक्केवारी 

• सकाळी ९:३० पर्यंत - ६.८९% 
• सकाळी ११:३० पर्यंत - १९.७०% 
• दुपारी १:३० पर्यंत - ३४.६२%