हॉटेलची रूम दिसते चकाचक, पण टॉयलेट सीटपेक्षा घाणेरड्या असतात 'या' गोष्टी; वापरताना सावधान

स्वच्छ बेडशीट, चमकणारा आरसा, व्यवस्थित ठेवलेले टॉवेल्स आणि छान सुगंध पाहून लोक असा अंदाज लावतात की रूम पूर्णपणे स्वच्छ आहे. पण सत्य अनेकदा पूर्णपणे वेगळं असतं.

हॉटेलची रूम बाहेरून कितीही स्वच्छ आणि चकाचक दिसत असली, तरी अनेकदा तिथे अशा काही गोष्टी असतात जिथे सर्वात जास्त घाण लपलेली असते.

स्वच्छ बेडशीट, चमकणारा आरसा, व्यवस्थित ठेवलेले टॉवेल्स आणि छान सुगंध पाहून लोक असा अंदाज लावतात की रूम पूर्णपणे स्वच्छ आहे. पण सत्य अनेकदा पूर्णपणे वेगळं असतं.

आश्चर्याची गोष्ट म्हणजे, हॉटेलचे बाथरूम ही नेहमीच सर्वात अस्वच्छ जागा असते असं नाही. काही अशा गोष्टी आहेत ज्यांना प्रत्येक गेस्ट स्पर्श करतो, पण त्याची स्वच्छता तितक्या चांगल्या प्रकारे होत नाही जितका लोक विचार करतात.

हॉटेलमधील टीव्हीचा रिमोट

या यादीत सर्वात आधी येतो टीव्हीचा रिमोट. हॉटेलच्या खोलीत सर्वात जास्त वापरल्या जाणाऱ्या गोष्टींमध्ये याचा समावेश होतो. जवळपास प्रत्येक गेस्ट याला हात लावतो, पण प्रत्येकजण हात धुवून याचा वापर करतोच असे नाही. रिमोटचे लहान-लहान बटण आणि कडांमुळे तो नीट स्वच्छ करता येत नाही.

अनेकदा हाऊसकीपिंग स्टाफ घाईघाईत फक्त वरवरून कपडा फिरवतात. अशा परिस्थितीत जेवणाचे डाग, शिंका, खोकला आणि अस्वच्छ हातांचे कीटाणू दीर्घकाळापर्यंत त्यावर राहू शकतात. याच कारणामुळे अनेक ट्रॅव्हलर्स खोलीत पोहोचताच रिमोट टिश्यूपेपर किंवा सॅनिटायझरने स्वच्छ करतात.

फॅब्रिक रनर आणि उशी

दुसरी सर्वात अस्वच्छ गोष्ट म्हणजे बेडीवरच्या रंगीबेरंगी उश्या आणि फॅब्रिक रनर. पांढऱ्या चादरी आणि उशीचे कव्हर तर अनेकदा बदलले जातात, पण सजावटीसाठी ठेवलेले कुशन आणि फॅब्रिक रनर अनेक दिवसांपर्यंत न धुता तसेच पडून राहू शकतात.

लोक त्यावर बॅग ठेवतात, पाय ठेवतात आणि अनेकदा बाहेरून घालून आलेले कपडे न बदलता थेट त्यावर बसतात. म्हणूनच अनेक अनुभवी ट्रॅव्हलर्स हॉटेलमध्ये पोहोचताच या सजावटीच्या गोष्टी बेडवरून बाजूला करून ठेवतात.

इलेक्ट्रिक केटल किंवा कॉफी मेकर

हॉटेलच्या खोलीत ठेवलेली इलेक्ट्रिक केटल किंवा कॉफी मेकर देखील चिंतेचा विषय ठरतो. बहुतांश लोकांना वाटतं की उकळतं पाणी सर्वकाही स्वच्छ करतं, पण खरी चिंता या मशिनच्या स्वच्छतेबाबत असते.

अनेकदा यांची नियमित स्वच्छता होत नाही, ज्यामुळे त्यात बॅक्टेरिया किंवा फंगस वाढू शकते. काही ट्रॅव्हलर्स वापरण्यापूर्वी केटल चांगल्या प्रकारे धुवून घेतात, तर काही लोक ते वापरणं पूर्णपणे टाळतात.

पाणी पिण्याचा ग्लास

बाथरूमजवळ ठेवलेला पाणी पिण्याचा ग्लास देखील पूर्णपणे सुरक्षित मानला जात नाही. अनेक अहवालांमधून समोर आले आहे की, काही ठिकाणी ग्लास व्यवस्थित डिसइन्फेक्ट करण्याऐवजी फक्त पाण्याने धुवून ठेवले जातात.

काहीवेळा तर त्याच कपड्याचा वापर केला जातो, ज्याने खोलीतील इतर गोष्टी पुसल्या गेल्या असतील. त्यामुळे अनेक लोक हॉटेलचा ग्लास वापरण्यापूर्वी स्वतः धुतात किंवा मग फक्त सीलबंद बाटलीतील पाणी पिणं पसंत करतात.

या गोष्टींवरही असते घाण

याशिवाय लाईटचे स्विच, दरवाजाचे हँडल, फोन, पडद्यांचे हँडल आणि बेडजवळ असलेली लहान बटणं यांसारख्या गोष्टींनाही सर्वात जास्त स्पर्श केला जातो, पण त्यांच्या स्वच्छतेकडे अनेकदा दुर्लक्ष होते.

कोरोना महामारीनंतर लोकांमध्ये या गोष्टींबाबत जागरूकता खूप वाढली आहे आणि आता अनेक ट्रॅव्हलर्स आपल्यासोबत 'डिसइन्फेक्टेंट वाइप्स' ठेवणं आवश्यक मानतात.