टीव्ही शो 'बा बहू और बेबी' फेम अभिनेत्री श्वेता केसवानी हिने ग्लोबल आयकॉन प्रियांका चोप्रा (Priyanka Chopra) हिच्यावर थेट टीका केली आहे. श्वेताने प्रियंकाची तुलना अमेरिकन अभिनेत्री मिंडी कलिंग (Mindy Kaling) सोबत करताना प्रियंका इतरांना मदत न करता फक्त स्वतःलाच मदत करते, असा आरोप केला आहे. काय म्हणाली अभिनेत्री?
श्वेता केसवानीचे प्रियंकावर आरोप
प्रियंका चोप्राहॉलिवूडमध्ये भारतीयांचं प्रतिनिधित्व करत असल्याबद्दल श्वेता केसवानीला नुकतंच एका मुलाखतीत विचारण्यात आलं. यावर तिने प्रियंकावर टीका करताना अनेक गंभीर विधानं केली. श्वेता म्हणाली की, ''प्रियांका चोप्रापेक्षा अमेरिकन अभिनेत्री मिंडी कलिंग ही परदेशात भारतीय आणि दक्षिण आशियाई महिलांना अधिक मदत करते. मिंडी कलिंगने पडद्यामागील अनेक दक्षिण आशियाई लेखकांना आणि दिग्दर्शकांना संधी दिली आहे. प्रियांका चोप्रा फक्त स्वतःला मदत करते. ती फक्त स्वतःच्याच करिअरला पुढे नेत आहे, भारतीय कलाकारांना किंवा लेखकांना संधी देण्यासाठी ती काही करत नाही."
प्रियांकाला हॉलिवूडमध्ये संधी मिळाली, पण तिने इतर भारतीयांसाठी दरवाजे उघडले नाहीत, असंही नमूद केले. श्वेता केसवानीच्या या विधानांमुळे बॉलिवूडमध्ये एका नव्या वादाला तोंड फुटले आहे. यावर प्रियंका चोप्रा काय प्रतिक्रिया देते, याकडे आता सर्वांचे लक्ष लागले आहे. प्रियंकाने गेल्या काही वर्षात हॉलिवूडमध्ये स्वतःचं नाव कमावलं आहे. प्रियंका हॉलिवूडमधील अनेक बिग बजेट प्रोजेक्टमध्ये पाहायला मिळते.
Web Summary : Shweta Keswani accuses Priyanka Chopra of prioritizing her own career over supporting other Indian artists in Hollywood, unlike Mindy Kaling. She claims Chopra hasn't opened doors for fellow Indian talent.
Web Summary : श्वेता केसवानी ने प्रियंका चोपड़ा पर हॉलीवुड में अन्य भारतीय कलाकारों का समर्थन करने के बजाय अपने करियर को प्राथमिकता देने का आरोप लगाया, जबकि मिंडी कलिंग अलग हैं। उनका दावा है कि चोपड़ा ने भारतीय प्रतिभा के लिए दरवाजे नहीं खोले।