T20 World Cup, Pakistan vs Australia Semi Final Live Update : Super 12 फेरीत भारत, न्यूझीलंड, अफगाणिस्तान, स्कॉटलंड व नामिबिया या संघांना लोळवून उपांत्य फेरीत पोहोचणारा पाकिस्तान संघ जेतेपद पटकावेल, असाच दावा केला गेला. त्यांचा फॉर्म पाहता त्यात काही चुकीचही नव्हतं. त्यामुळेच पाकिस्तानचे पंतप्रधान व माजी कर्णधार इम्रान खान ( Imran Khan) हेही फायनलमध्ये पाकिस्तानला चिअर करण्यासाठी येणार होते. पण, उपांत्य फेरीत ऑस्ट्रेलियानं पाकिस्तानचा पराभव केला अन् इम्रान खान यांचं विमान दुबईच्या दिशेनं उड्डाण करण्याआधीच मागे फिरलं...
ऑस्ट्रेलियानं पाच विकेट्स व सहा चेंडू राखून पाकिस्तानवर विजय मिळवताना अंतिम फेरीत प्रवेश केला. ट्वेंटी-२० वर्ल्ड कप स्पर्धेच्या जेतेपदासाठी त्यांच्यासमोर आता न्यूझीलंडचे आव्हान असणार आहे. २००९ची चॅम्पियन्स ट्रॉफी, २०१५चा वन डे वर्ल्ड कप आणि आता २०२१चा ट्वेंटी-२० वर्ल्ड कप जेतेपदासाठी हे कट्टर प्रतिस्पर्धी समोरासमोर येणार आहेत.
पाकिस्तानकडून बाबर-रिझवान यांच्या ७१ धावांच्या भागीदारीनंतर रिझवान व जमान यांनी अखेरच्या १० षटकांत १०५ धावा कुटल्या. पाकिस्तानचा कर्णधार ३९ धावांवर माघारी परतला. रिझवान ५२ चेंडूंत ३ चौकार व ४ षटकारांसह ६७ धावांवर माघारी परतला. त्यानंतर जमान ३२ चेंडूंत ३ चौकार व ४ षटकारांसह ५५ धावांवर नाबाद राहिला. पाकिस्ताननं ४ बाद १७६ धावा कुटल्या.
ऑस्ट्रेलियाची सुरुवात खराब झाली. अॅरोन फिंच याला भोपळ्यावर माघारी परतला. त्यानंतर डेव्हिड वॉर्नर ( David Warner) आणि मिचेल मार्श यांनी ऑसींचा डाव सावरला. वॉर्नर ३० चेंडूंत ३ चौकार व ३ षटकार मारून ४९ धावांवर माघारी परतला. ऑस्ट्रेलियाला अखेरच्या सहा षटकांत ६८ धावा करायच्या होत्या. मॅथ्यू वेड व मार्कस स्टॉयनिस यांनी ऑस्ट्रेलियाला वेड १७ चेंडूंत २ चौकार व ४ षटकारांसह नाबाद ४१ धावा केल्या,तर स्टॉयनिस ४० धावांवर नाबाद राहिला. शाहिननं १९वे षटक फेकले. शादाबनं २६ धावांत ४ विकेट्स घेतल्या.
पाकिस्ताननं आजचा सामना जिंकला असता तर १४ नोव्हेंबरला खेळाडूंचे मनोबल उंचावण्यासाठी इम्रान खान दुबईत येणार होते. पण आता त्यांना मायदेशातच थांबावे लागेल.
पाकिस्तानच्या पराभवानंतर त्यांनी ट्विट केलं की, बाबर आजम आणि टीमसाठी- मला माहित्येय यावेळी तुमच्या मनात काय चाललं असेल , कारण मिही या परिस्थितीतून गेलोय. पण, तुम्ही ज्या प्रकारे खेळलात त्याचा अभिमान आहे. ऑस्ट्रेलियाचे अभिनंदन.