सामन्यानंतर राहुल द्रविडची पत्रकार परिषद...
सामन्यानंतर राहुल द्रविड पत्रकारांना उत्तर देण्यासाठी समोर आला. तो म्हणाला, नक्कीच आजच्या कामगिरीवर निराश आहे. आम्हाला आणखी दोन विजय मिळवून जेतेपदासह स्पर्धेचा निरोप घ्यायला आवडले असते, परंतु आज आम्ही अपयशी ठरलो. पण, संपूर्ण स्पर्धेचा विचार कराल, तर संघाची कामगिरी चांगली झाली. मागील वर्षभरात आम्ही चांगले ट्वेंटी-२० क्रिकेट खेळलो आणि या स्पर्धेत तो क्षण आम्ही निर्माण केला होता. उपांत्य फेरीतील पराभव नैराश्य आणणारा आहे, याची कल्पना आहे. पण, या पराभवातून शिकून पुढे खेळात सुधारणा करायला हवी आणि पुढे चालायला हवं.'
